JOSHUA 6:22 - Biblia Ilagho Jiboie Kwa Wandu Wose

²² Joshua ukawizera waja washeki wawi, “Ghendenyi kwa nyumba ya jija ilaya, mumrede uo muka aha chia imweri na wandu wake wose sa iji moremlaghirieghe.”

JOSHUA 6:22 Referans Kwoze

WAEBRANIA 11:31

Kwa irumirio, Rahabu jija ilaya, ndejeretotereghe chiaimweri na awo wereleghieghe, angu orewikaribishireghe waja washeki sa waghenyi wake.

JOSHUA 6:17

Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.

EZEKIELI 17:16

“Sa iji ini Bwana MLUNGU nikaiagha moyo naghamba kukaia, uo mzuri wa Juda oresaghuloghe ukaie mzuri, usaghulo, sena ukamenya ighemi na kuchikanya ilaghano werebonyereghe, uchafuya Babuloni.

EZEKIELI 17:13

Ukawada mndumu wa kichuku cha kiwuzuri, ukabonya ilaghano nao na kumghemesha ukaie mloli. Ukawada wandu wabaa wa isanga ukawidwa,

ZABURI 15:4

Wadammenya mundu mmbiwi, na kuwineka ishima awo wimuobuagha BWANA; ukalaghira, ndeghalukagha putu, hata ngera uvavirika.

2 SAMUELI 21:7

Ela mzuri ukamkira Mefiboshethi mwana wa Jonathani, nao ni wawae Sauli; kwa kukaia orebonyereghe ighemi na Jonathani mwana wa Sauli imbiri ya BWANA.

2 SAMUELI 21:2

Nao mzuri ukawiwanga wandu wa Gibeoni; (awo Wagibeoni ndewerekoghe Waisraeli, ela ni masighariko gha Waamori, werebonyereghe ighemi na Waisraeli kukaia wichawilindia; ela Sauli ukifunga ndighi kwa wundu ghwa Waisraeli na wandu wa Juda, ukakunda kuwitotesha Waamori.)

JOSHUA 9:15

Joshua ukakaia na sere nawo, ukabonya ilaghano na awo wandu wa Gibeoni, ukawisigha wikaie moyo; vilongozi va Israeli wikabonya ighemi jekatisha ijo ilaghano.

JOSHUA 6:23

Waja washeki wikaghenda na kumreda Rahabu, na ndee, mae, waruna na awo wose werekoghe nyumbenyi kwake, wikawiwika shighadi ya kambi ya Waisraeli.

WATANYI 1:25

Ukawiwonyera chia engia cha mzinyi, nawo wikaghukaba ugho muzi, ela wikamlekeria uja mundu na wandu wose wa nyumbenyi kwake.