JOSHUA 4:24 - Biblia Ilagho Jiboie Kwa Wandu Wose

²⁴ eri wandu wose wa ndoenyi wipate kumanya kukaia ndighi ra BWANA reko aeni; nenyo mpate kumuobua BWANA Mlungu onyu kwa kala na kala.”

JOSHUA 4:24 Referans Kwoze

ZABURI 106:8

Ela orewikirieghe sa iji koni orelaghirieghe; upate kuwonyera ndighi rake mbaa.

ZABURI 89:13

Oho koko na kudima, mkonu ghwako ghwawadie ndighi, ugho mkonu ghwako ghwa kiwomi ghukumikie.

1 MALAGHO GHA NGELO 29:12

Kuchua kose kwa mali kwadafuma kwako, na oho kwadabonya nguma aighu ya vose kwa ndighi na kudima kwako. Kwadamneka uo ose ndighi redima kukaia m'baa.

2 WAZURI 19:19

Kwa huwo ee BWANA Mlungu odu, nakuvoya kudikire nao, eri mawuzuri ghose gha ndoenyi ghipate kumanya angu oho ko Mlungu kuekeri ee BWANA.”

KUFUMA 15:16

Kiture na wowa vangia andenyi kwawo; kwa wundu ghwa kudima kwa mkonu ghwako, wakaia kima sa igho; hata wandu wako wameria kuida ee BWANA, hata wandu wako waida, awo korewighueghe.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

WUKUMBUSO 28:10

Na wandu wose wa ndoenyi wichawona angu BWANA wakusaghue kukaie wake, nawo wichakuobua.

1 WAZURI 8:60

eri wandu wose wa ndoenyi wipate kumanya kukaia ndeuko Mlungu ungi mzima ela BWANA.

1 WAZURI 8:40

Niko aho wichaakuobua oho matuku ghose wichaakaia andenyi ya isanga korewinekieghe weke wawa.

AYUBU 40:9

Kwawadie ndighi sa rapo? Kwadima kudeda na lwaka lubaa sa lwapo?

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.