JOSHUA 4:23 - Biblia Ilagho Jiboie Kwa Wandu Wose

²³ Angu BWANA Mlungu onyu oreomeshereghe machi gha Jordani kwa wundu ghonyu hata mkameria kuruwuka; sa iji oreomeshereghe machi gha Bahari ya Shamu kwa wundu ghodu;

JOSHUA 4:23 Referans Kwoze

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

ISAYA 43:16

BWANA, uo ubonyere chia baharinyi, ee, uo ubonyere andu koidia aghadi ya machi mengi,

ZABURI 78:13

Orewaghanyireghe bahari wikaida aghadi yaro; ukabonya machi ghitumbanyike kitungu.

NEHEMIA 9:11

Korebonyereghe chia kwa wandu wako aghadi ya bahari; kukawilongoza wikaida aighu ya ndoe iomie. Awo werewinughagha wikamilika andenyi ya machi mengi, karakara na igho jakumbwa baharinyi.

1 WAZURI 8:43

kusikire aighu kwako mlungunyi kukaiagha; kumkatishire uo mghenyi malombi ghake, eri wandu wa mbari rose ra ndoenyi wikumanye oho na kukusikira sa wandu wako Israeli, wipate kumanya kukaia Hekalu ihi niiaghie ni kwa wundu ghokutasa oho.

KUFUMA 15:19

Iji farasi ra Farao, magare, na wajoki farasi wake werengirieghe baharinyi, BWANA oreghiwunjiereghe agho machi gha bahari aighu yawo; ela Waisraeli wereidieghe andu kuomie ghadi na ghadi ya bahari.