JOSHUA 3:8 - Biblia Ilagho Jiboie Kwa Wandu Wose

⁸ Na oho kuchawilaghira wakohani awo widukagha Sanduku ya Ilaghano, angu wikavika mbai na mbai ya moda ghwa Jordani, wimange kimusi.”

JOSHUA 3:8 Referans Kwoze

JOSHUA 3:17

Hata iji wandu werekoghe wikiida, awo wakohani wereidukieghe Sanduku ya Ilaghano wikakaia kimusi andu kuomie ghadi na ghadi ya moda ghwa Jordani.

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,

KILILO CHA JEREMIA 3:26

Kwa huwo ni nicha diwesere kwa irumaghio; dimmbesere udikire.

NEHEMIA 13:28

Joiada orekoghe mwana wa Mkohani m'baa Eliashibu ela mwana umu wa Joiada oremlowueghe mwai wa Sanbalati, kufuma muzi ghwa Beth-horoni, kwa huwo ngammbinga ufume Jerusalemu.

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

2 MALAGHO GHA NGELO 30:12

Wokoni wandu wa Juda wikateselwa ni Mlungu kukaia na ngolo imweri na kubonya seji mzuri na wabaa werelaghirieghe kwa ilagho ja BWANA.

2 MALAGHO GHA NGELO 29:30

Mzuri Hezekia na wabaa wikawilaghira Walawi wimkase BWANA wikitumia malagho gha Daudi na mmboni Asafu. Wikabora makaso kwa kuboilwa, wikaghoghoma na kutasa.

2 MALAGHO GHA NGELO 29:27

Niko Hezekia ukafunya momu kizongona chekora chifunyo madhabahunyi. Hata iji kizongona chekora chazoya kufunywa, lumbo lom'boria BWANA lukawokwa kwa tarumbeta na vilambo vebora va Daudi uo mzuri wa Israeli.

2 MALAGHO GHA NGELO 29:15

Wandu awa wikawikwanya waruna, wikakuelesha, wikangia Hekalunyi wipate kuielesha seji wilaghirilo ni mzuri kunughana na malagho gha BWANA.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

JOSHUA 3:7

BWANA ukamzera Joshua, “Idime iji nichazoya kukujosa imbiri ya Waisraeli wose, wipate kumanya angu sa iji koni nerekaieghe andwamweri na Musa, huwo koni nichakaia andwamweri na oho.

JOSHUA 3:9

Niko Joshua ukawizera wandu wa Israeli, “Choonyi aha msikire malagho ghwa BWANA Mlungu onyu.

2 WAZURI 2:6

Elija ukamzera, “Nakulomba kukaie aha kwa kukaia BWANA waniduma nighende Jordani.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Wikachuria kughenda imbiri wose wawi.

JOSHUA 4:11

Wandu wose wiendaruwuka, awo wakohani weredukagha Sanduku ya BWANA, wikakiria imbiri ya wandu.