JOSHUA 3:5 - Biblia Ilagho Jiboie Kwa Wandu Wose

⁵ Joshua ukawizera wandu, “Mkueleshe inyo mmbeni; angu kesho BWANA uchabonya mashiniko aghadi konyu.”

JOSHUA 3:5 Referans Kwoze

JOSHUA 7:13

Wuka! Elesha awa wandu kuwizere wikueleshe weni kwa wundu ghwa kesho, angu BWANA Mlungu wa Israeli waghora, ‘Veko vilambo venonwa viko aghadi konyu ee Israeli, nenyo ndemchaadima kuwisima wamaiza wenyu, msaainja ivo vilambo venonwa viko aghadi konyu.’

WALAWI 20:7

Mkueleshe, mkaie waeli angu Ini ne BWANA Mlungu onyu.

JOELI 2:16

Wangenyi wandu chiaimweri muwieleshe; wangenyi waghosi na wanake, hata awo wiongagha. Wandu wibonyere arusi kafwani nawo weni wifume chumbenyi kwawo wiche.

1 SAMUELI 16:5

Nao ukatumbulia, “Ni kwa sere; naacha kum'bwaghia BWANA kizongona. Kueleshenyi mchanye nani kizongonenyi.” Ukamuelesha Jese na kumkaribisha chiaimweri na wana wake wikanye ngelo efunya kizongona.

JOHANE 17:19

na kwa wundu ghwawo, nakuwika ini moni kwako, eri nawo weni wibonyo kukaia wako weni kwa iyo loli.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

ZABURI 86:10

Oho koko m'baa, kubonyagha maza ra mashiniko; ni oho kuekeri kuko Mlungu.

AYUBU 1:5

Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

JOSHUA 3:13

Ngelo awo wakohani wawuyaiduka Sanduku ya Ilaghano ja uo BWANA wa wurumwengu ghose wichaawadia machi gha Jordani, agho machi gha Jordani ghichatumbanyika ghisighe kusea, na agha gha naisi wori ghichatumbanyika kitungu.”

JOSHUA 3:15

Awo wakohani wereidukieghe Sanduku wiendawadia machi gha Jordani, (na moda ghwa Jordani ghwadachua machi ghidike na kusalama ngelo yose ya makuwido),

MITALO 11:8

Awo wandu wikamara-mara wikishoa; nawo wikaisha kwa magho, angu kuichana na kidu. Wikaidoghosa nyungunyi na kubonya keki; nayo erekoghe isingie sa keki ibonyero na mavuda.

JOSHUA 3:4

mpate kuimanya ija chia mchaiidia, kwa kukaia jingi ndemuiidie iyo chia. Ela mkaie na kipimo chesighana na iyo Sanduku wukula ghwa kilometa imweri; mseisoghodere.”

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

ZABURI 77:15

Oho korewikombueghe wandu wako kwa ndighi rako, kivalwa cha Jakobo na cha Josefu.