JOSHUA 23:11 - Biblia Ilagho Jiboie Kwa Wandu Wose

¹¹ Kwa huwo mkulindie; mumkunde BWANA Mlungu onyu.

JOSHUA 23:11 Referans Kwoze

JOSHUA 22:5

Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

1 WAKORINTHO 16:22

Mndungi ukakaia usemkunde Bwana, ndewado ni njowe. Marana tha Choo Bwana odu.

1 WAKORINTHO 8:3

Ela uo mundu umkunde Mlungu, wamanyikie kwake.

KUFUMA 20:6

ela nawibonyera lukundo maelfu gha wandu, awa winikundagha, na kuiwadia memu yapo.

WAEFESO 5:15

Idana manyenyi seji mghendagha, si sa wandu wisewadie suku anduangi, ela sa wandu wiwadie suku;

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WUKUMBUSO 4:15

“Iji BWANA oreghorieghe nenyo andenyi ya modo aighu ya Mghondi ghwa Sinai, ndemorewonieghe fwana ingi. Kwa huwo mkulindie mmbeni;

JOSHUA 23:10

Mundu onyu umweri wadima kuwinga wandu elfu imweri, kwa kukaia ni BWANA Mlungu onyu umluyagha wuda, sa iji koni oremlaghirieghe.

JOSHUA 23:12

Mkaghaluka na kukukwanya na masighariko gha wandu wisigharikie aha aghadi konyu, na kuloworana nawo wai wawo na wai wenyu,

WUKUMBUSO 30:16

Mkasikira malaghiro gha BWANA Mlungu onyu nimlaghiragha idime, kwa kumkunda BWANA Mlungu onyu na kubonya seji ukunde, na kughiwadia malaghiro ghake na sharia rake na mafundisho ghake, mchakaia moyo na kuchurikia; na BWANA Mlungu uchamrasimia isangenyi mujingiagha mujiwuse.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”