JOSHUA 22:25 - Biblia Ilagho Jiboie Kwa Wandu Wose

²⁵ Angu BWANA wamerie kubonya Jordani kukaia mpaka aghadi yenyu na isi. Na inyo Wareubeni na Wagadi ndemmbwadie ilagho jingi aighu ya BWANA’; kwa huwo wana wenyu wadima kuwibonya wana wedu wisighe kumtasa BWANA.

JOSHUA 22:25 Referans Kwoze

MABONYO GHA WADUMI 8:21

Ndekuwadie ifungu hata hachi ingi andenyi ya ilagho iji; angu ngolo yako ndeiko nicha imbiri ya Mlungu anduangi.

NEHEMIA 2:20

Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

1 WAZURI 15:30

Maza iri rerebonyeroghe kwa kukaia Jeroboamu orem'bonyereghe BWANA uo Mlungu wa Israeli kujokwa ni machu kwa wundu ghwa kaung'a rake oreribonyereghe na kuwishekeria wandu wa Israeli kubonya kaung'a.

1 WAZURI 14:16

BWANA uchaisigha Israeli putu kwa wundu ghwa kaung'a ribonyero ni Jeroboamu, na kuwishekeria wandu wa Israeli wibonye kaung'a.”

1 WAZURI 12:16

Nao iji wandu wose wa Israeli wawona kukaia mzuri nderewisikireghe, wikamtumbulia mzuri, “Deko na ifunguki kwa Daudi? Isi ndediwadie ifwa jingi kwa mwana wa Jese. Kula Muisraeli ndewuye cha hemenyi kwake! Wen-Daudi ndewikuzighane weni.” Niko Waisraeli wikawuka na kughenda cha hemenyi kwawo.

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’

JOSHUA 22:27

ela ikaie wushuhuda aghadi yenyu na isi na vivalwa vichagha, kukaia, dawuyabonya wudumiki ghwa BWANA imbiri kwake chiaimweri na vizongona vedu vekora, na vizongona, na vizongona va mapatano; eri wana wenyu wisechezera wana wedu ngelo richagha, ‘Inyo ndemmbwadie ifungu jingi kwa BWANA anduangi.’

JOSHUA 22:24

Ela siko kungi! Isi dedebonya huwo angu dereririkanyireghe kewada matuku ghichagha kivalwa chenyu chichazera kivalwa chedu, ‘Moko na ilaghoki aighu ya Mlungu wa Israeli?

JOSHUA 22:26

Niko diwonie diaghe madhabahu; si kwa wundu ghokora vizongona angu kufunya vizongona,

ZABURI 16:5

Ini neekusaghua kukaie ifungu japo BWANA, na irangi japo, jeeka mikonunyi kwako.