JOSHUA 22:18 - Biblia Ilagho Jiboie Kwa Wandu Wose

¹⁸ Wele muachuria kumlegha BWANA? Mkamlegha BWANA idime, uchakaia na machu aighu ya izungu jose ja Israeli kesho.

JOSHUA 22:18 Referans Kwoze

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

JOSHUA 22:16

“Izungu jose ja Israeli jaghamba, ‘Ni ilaghoki iji jizamie huwu mwajibonya aighu ya Mlungu wa Israeli kwa kughaluka na mbai idime; mkakuaghia mmbeni madhabahu na kumlegha BWANA?

2 MALAGHO GHA NGELO 34:33

Josia ukainja wuchafu ghose ghwa milimu ghorekoghe andenyi ya isanga jose jerekoghe ja Israeli; ukawibonya wandu wose werekoghe andenyi ya Israeli wimdumikie BWANA Mlungu wawo. Ndeweresighieghe kumnugha Mlungu wa weke ndee matuku ghose gha Mzuri Josia.

2 MALAGHO GHA NGELO 25:27

Kufuma Amazia wasigha kumnugha BWANA, wandu weremdedieghe njama Jerusalemu, nao ukakimbia cha Lakishi. Ela wandu wikadumwa wimnughe cha Lakishi, nawo wikaghenda wikam'bwaghia aho.

1 MALAGHO GHA NGELO 21:14

Niko BWANA ukaduma saka aighu ya Israeli, na wandu elfu mirongo mfungade wikafwa.

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

2 WAZURI 17:21

Ngelo BWANA orewitanyireghe Israeli na nyumba ya Daudi, Waisraeli werem'bonyereghe Jeroboamu mwana wa Nebati ukaie mzuri wawo. Jeroboamu ukawilaghasha Israeli wisemnughe BWANA, ukawishekeria kungia kaung'a mbaa.

1 WAZURI 9:6

Ela oho angu kivalwa chako chikasigha kuninugha, na kulegha kusikira Sharia rapo na memu yapo nimnekie, na kuendatasa milungu mizima,

2 SAMUELI 24:1

Ngelo imu, BWANA ukakaia wazamilwa ni Waisraeli, ukam'bonya Daudi uwiredie wasi, ukimzera, “Ghenda kuwitale wandu wa Israeli na wa Juda.”

1 SAMUELI 12:20

Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.

1 SAMUELI 12:14

Ikakaia mchamuobua BWANA na kumdumikia, na kumsikira, hata mkaie msesighe memu ya BWANA; nao ikaie inyo chiaimweri na mzuri onyu muamnugha BWANA Mlungu onyu, mchawona nicha.

JOSHUA 22:20

Ririkanyenyi seji Akani wa kichuku cha Zera oreleghieghe kusikira aighu ya vilambo veretanyiroghe vinono; izungu jose ja Waisraeli jerekabiloghe kwa wundu ghwawo; na Akani nderefueghe uekeri kwa wundu ghwa kaung'a yake anduangi.’”

JOSHUA 7:21

Niendawona nguwo iboie kufuma Babuloni, kilo iwi ra feza, na kipande cha dhahabu cha nusu kilo, ngawadwa ni bea ngavishoa; ola navirikie andoenyi andenyi hemenyi kwapo, na feza reko nandonyi yaro.”

JOSHUA 7:11

Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.

JOSHUA 7:1

Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

WUKUMBUSO 7:4

Angu wichawighalua wadawana wenyu wiseninughe, wipate kuitasa milungu mizima; na BWANA uchajokwa ni machu aighu yenyu na kumtotesha shwa-shwa.

WALAWI 10:6

Musa ukamzera Haruni na wana wake Eleazari na Ithamari, “Msakesigha maridia ghenyu ghiseshanulo, hata msakerashua nguwo renyu kuwonyera wei moko na wasi mchefwa na kuredia izungu iji jose machu gha BWANA; ela wanyinyu icho kinyumba chose cha Israeli, wadima kubonya ifwa kwa wundu ghwa ugho modo ghuredelo ni BWANA ghukabwagha.

MITALO 32:15

Angu mkasigha kumnugha, nao moni uchawida kireti sena, nenyo mchatotesha awandu wose.”

JOSHUA 22:15

Wikacha Gileadi kwa Wareubeni, na Wagadi, na nusu ya kichuku cha Manase wiko isanga ja Gileadi, wikawizera,