JOSHUA 21:45 - Biblia Ilagho Jiboie Kwa Wandu Wose

⁴⁵ BWANA ukajikatisha kula ilaghiro orejibonyereghe kwa wandu wa Israeli.

JOSHUA 21:45 Referans Kwoze

1 WAZURI 8:56

“BWANA ndekaso, uo uwinekie wandu wake Israeli sere sa iji koni orewilaghirieghe. Wakatishire malaghiro ghake ghose ghiboie oreghibonyereghe kwa mdumiki wake Musa.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

1 WATHESALONIKE 5:24

Uo ummbangagha ni mloli, nao uchabonya huwo koni.

1 WAKORINTHO 1:9

Mlungu ni mloli, uo oremmbangieghe mungie andenyi ya wungara ghwa Mwana wake Jesu Kristo Bwana odu.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

TITO 1:2

kwa isuwirio ja irangi ja kala na kala, ijo jerelaghiriloghe ni Mlungu kokala, nao ndeghoragha tee jingi.

ISAYA 48:3

Mlungu waghamba, “Neremghorieghe maza ra kala, kokala uko. Nereghighorieghe kwa momu ghwapo na kughibonya ghimanyike, nagho ghikabonyeka na kuwoneka shwa wori.

1 SAMUELI 3:19

Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.

1 WAZURI 8:15

Ukighamba, “BWANA, uo Mlungu wa Israeli ndekaso. Wakatishire ijo ilaghiro jake oremlaghirieghe aba Daudi kwa momu ghwake ukighamba,

1 WAZURI 8:20

“Idana BWANA wameria kujikatisha ilaghiro jake, kwa kukaia nawikilo nichiserie icho kifumbi cha nguma cha Israeli wulalo ghwa aba Daudi, sa iji koni BWANA orelaghirieghe. Idana nameria kuiagha Hekalu emtasira BWANA Mlungu wa Israeli.

1 WAZURI 8:24

Oho kwajimangishire ijo ilaghano korebonyereghe na mdumiki wako aba Daudi, sa iji koni koreghorieghe. Kwajilaghirie kwa momu ghwako, na idime kwajikatisha kumoni.

NEHEMIA 9:8

Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.