JOSHUA 21:44 - Biblia Ilagho Jiboie Kwa Wandu Wose

⁴⁴ BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 21:44 Referans Kwoze

JOSHUA 11:23

Joshua ukawusa isanga jose sa iji koni BWANA oremlaghirieghe Musa. Joshua ukawineka Waisraeli jikaie isanga jawo, ukawiwaghia vipande kwa kula kichuku. Wandu wikahora na kuleka wuda.

WAEBRANIA 4:9

Kwa wundu ugho, eko Sabato ehora isigharikie kwa wundu ghwa wandu wa Mlungu.

KUFUMA 23:31

Nichawika mano ya isanga jenyu, kufuma Bahari ya Shamu hata Moda ghwa Eufrate; sena kufuma Bahari ya Mediterania hata kireti. Nichamneka ndighi aighu ya waja waisanga, nenyo mchawifunya seji mchaadima.

JOSHUA 22:9

Niko Wareubeni, Wagadi, na iyo nusu ya kichuku cha Manase, wikafuma wikilaghana na wambao aho Shilo iko isanga ja Kanaani, kuighendia mizi yawo isanga ja Gileadi, ijo werejiwusireghe weni kwa momu ghwa Musa seji orelaghiriloghe ni BWANA.

JOSHUA 22:4

Na idana BWANA Mlungu onyu wamerie kuwineka wanyinyu kuhora na sere sa iji koni orewilaghirieghe; kwa huwo ghalenyi cha mzinyi konyu, kwa ijo isanga andu ifwa jenyu jiko; ijo Musa mdumiki wa BWANA oremnekieghe kimonu cha Jordani.

JOSHUA 1:15

hata BWANA wameria kuwineka awo wanyinyu kuhora karakara na inyo mmbeni, nawo weni wipate ijo isanga BWANA Mlungu onyu wawuyawineka. Aho niko inyo mchawuya isangenyi konyu mkaie aho cha mashariki ya Jordani andu Musa mdumiki wa Mlungu oremlaghirieghe.”

JOSHUA 1:13

“Kumbukenyi seji Musa mdumiki wa BWANA oremzerieghe, kukaia BWANA Mlungu onyu uchamneka iji isanga cha mashariki ya Jordani jikaie isanga jenyu.

KUFUMA 33:14

BWANA ukaghamba, “Ini nichaghedanya na oho, nani nichakuhoresha.”

WUKUMBUSO 21:10

“Iji BWANA Mlungu wako wakuneka wusimi wudenyi, nao kudo wandu wunyika,

JOSHUA 23:1

Nyuma ya matuku mengi, BWANA ukawineka Waisraeli kuhora na sere kufuma kwa wamaiza wawo wose werewimarieghe chia rose. Joshua orekoghe waghosia nandighi.

ISAYA 63:14

Sa ng'ombe riseagha cha ivongonyi; ni huwo koni Roho wa BWANA orewinekieghe kuhora. Kwa huwo, oho kukawilongoza wandu wako, eri kukupatire kumoni irina ibaa jichumbie.

WUKUMBUSO 2:36

Ndekuwadie muzi ghoredilemieghe. Kufuma Aroeri, muzi ghuko mdonyi ghwa vololo ya Arnoni, na kufuma muzi m'baa ghuko vololonyi, hata Gileadi, BWANA Mlungu odu oredinekieghe yose.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 2:24

Wikamzera Joshua, “Loli BWANA wadinekie jija isanga jose mikonunyi kodu, sena waisanga waro wamerie kufwa ngolo kwa wundu ghodu.”

JOSHUA 11:8

BWANA ukawineka Waisraeli wusimi aighu yawo, wikawikaba na kuwiwinga hata kaskazinyi ya Misrefoth-maimu na cha Sidoni Mbaa na cha mashariki hata vololo ya Mispa; wikawikaba na kuwibwagha wose hata wisesighe ungi.

JOSHUA 11:12

Joshua ukawada iyo mizi yose, na kuwibwagha wazuri waro. Ukawitotesha wose sa iji koni Musa mdumiki wa Mlungu orelaghirieghe.

2 MALAGHO GHA NGELO 13:16

Wandu wa Israeli wikawikimbia wandu wa Juda, na Mlungu ukawingira mikonunyi kwawo.