JOSHUA 19:51 - Biblia Ilagho Jiboie Kwa Wandu Wose

⁵¹ Mkohani Eleazari, Joshua mwana wa Nuni, na wabaa wa vichuku va wandu wa Israeli niwo werejiwaghieghe ijo isanga kwa kukaba kura imbiri ya BWANA aja Shilo mnyangonyi ghwa Hema Ekwania; na huwo wikaimeria iyo kazi ejiwagha isanga.

JOSHUA 19:51 Referans Kwoze

JOSHUA 18:10

Joshua ukakaba kura kwa wundu ghwawo kumkotia BWANA aho Shilo, ukawaghia kula kichuku cha wandu wa Israeli ifwa jawo.

JOSHUA 14:1

Huwu niko isanga ja Kanaani ijo jiko magharibi ya Jordani jerewaghiloghe wandu wa Israeli jikaie ifwa jawo. Wandu werekoghe wikiwagha ni mkohani Eleazari, Joshua mwana wa Nuni, na vilongozi va wandu wa mbari ya Israeli.

JOSHUA 18:1

Hata iji wameria kusima isangenyi, izungu jose ja wandu wa Israeli jikakwanyika Shilo na kuidunga iyo Hema Ekwania.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 20:23

Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”

ZABURI 78:60

Oresighieghe Shilo andu kwake kokaia, ukasigha iyo hema andu orekoghe ukikaia aghadi ya wandu.

1 SAMUELI 1:3

Elkana orekoghe ukijoka Shilo kufuma mzinyi kwake kula mwaka, upate kumtasa BWANA wa majeshi, na kumfunyira kizongona andu wakohani wa BWANA, waja wana wawi wa Eli, Hofni na Finehasi werekoghe.

WATANYI 21:21

mzighanireghee; wai wa Shilo wikafuma na kucha kuvina, mfume mizabibunyi na kuwiwada kula mundu muka wake, nao mghende nawo cha isangenyi ja Benjamini.

WATANYI 21:19

Niko wikaghamba, “Zighanenyi deko na ndima ya BWANA ya kula mwaka aja Shilo, kuko cha magharibi ya Betheli, mashariki ya ija chia mbaa ijokagha kufuma Betheli hata Shekemu cha kusinyi ya Lebona.”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

MABONYO GHA WADUMI 13:19

Hata iji wameria kuritotesha mbari mfungade andenyi ya isanga ja Kanaani, ukawineka weke aba ijo isanga jikaie ifwa jawo.

JOSHUA 20:1

Niko BWANA ukamzera Joshua,