JOSHUA 18:10 - Biblia Ilagho Jiboie Kwa Wandu Wose

¹⁰ Joshua ukakaba kura kwa wundu ghwawo kumkotia BWANA aho Shilo, ukawaghia kula kichuku cha wandu wa Israeli ifwa jawo.

JOSHUA 18:10 Referans Kwoze

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

MABONYO GHA WADUMI 13:19

Hata iji wameria kuritotesha mbari mfungade andenyi ya isanga ja Kanaani, ukawineka weke aba ijo isanga jikaie ifwa jawo.

JOSHUA 18:6

Nenyo mchaandika mchoro ghwa isanga jiwaghilo mafungu mfungade mpate kuniredia; nani nichakaba kura imbiri ya BWANA Mlungu odu kwa wundu ghonyu.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

MATHAYO 27:35

Hata iji wameria kumsulubisha, wikawaghiana nguwo rake kwa kukaba kura;

EZEKIELI 48:29

Iji nijo isanga mchaajiwagha jikaie ifwa aghadi ya vichuku va Israeli, na agho nigho mafungu ghawo. Ini Bwana MLUNGU naghamba.

EZEKIELI 47:22

Mchajiwagha kwa kura jikaie ifwa jenyu na kwa waghenyi wichaakaia aghadi konyu, na kuva wana aghadi konyu. Wichakaia waisanga wenyu wivalo andenyi ya Israeli, nawo wichawaghilwa ifwa kwa kura aghadi ya vichuku va Israeli.

MAKATANISHO 18:18

Kura niyo imeriagha nganyi; yadadumbua malagho gha wandu wawi wisimanagha kwa ndighi.

ZABURI 61:5

Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

ZABURI 47:4

Oredisaghueghe isanga jekaia, ijo jawuyakukasa na wandu wake uwikunde.

JOSHUA 19:51

Mkohani Eleazari, Joshua mwana wa Nuni, na wabaa wa vichuku va wandu wa Israeli niwo werejiwaghieghe ijo isanga kwa kukaba kura imbiri ya BWANA aja Shilo mnyangonyi ghwa Hema Ekwania; na huwo wikaimeria iyo kazi ejiwagha isanga.

JOSHUA 18:8

Niko awo wandu wikazoya charo chawo na Joshua ukawilaghira awo wandu weandika michoro ya isanga ukighamba, “Mghende andu kose mkiandika michoro yose ya isanga, muniredie; nani nichakaba kura imbiri ya BWANA aha Shilo kwa wundu ghonyu.”

MITALO 34:16

Nao BWANA ukamzera Musa,

JOSHUA 18:9

Niko awo wandu wikaghenda, wikaida andu kose isangenyi, wikaandika michoro chuonyi seji wajiwagha isanga mafungu mfungade, na kuandika mizi yaro; niko wikacha kambinyi kwa Joshua aho Shilo.

JOSHUA 18:11

Kura ya kichuku cha Benjamini kunughana na nyumba rawo ikakaia ya imbiri kufuma. Isanga jake jikakaia ghadi na ghadi ya isanga ja Juda na Josefu.

JEREMIA 7:12

Idana ghendenyi aho kwapo Shilo andu nerekusaghueghe kufuma imbiri, mpate kuwona seji nerekubonyereghe kwa wundu ghwa wuwiwi ghwa wandu wapo Israeli.

MIKA 2:5

Kwa huwo ngelo ikavika wandu wa BWANA wiwunjiro isanga jawo, ndekuchaakaia na iwaghio ja ungi onyu.

JOSHUA 14:2

Sa iji koni BWANA oremlaghirieghe Musa, kuwagha isanga kwa vichuku ikenda na nusu cha magharibi ya Jordani kodeeka kubonyo kwa kura.

JOSHUA 14:5

Wandu wa Israeli werebonyereghe sa iji koni BWANA oremlaghirieghe Musa, wikajiwagha isanga.

JOSHUA 23:4

Namerie kuwaghia vichuku venyu ifwa ja isanga iji ja wandu wisigharikie, chiaimweri na iji ja wandu nimerie kuwisima; kufuma Jordani hata Bahari ya Mediterania cha magharibi.

1 MALAGHO GHA NGELO 24:5

Werepangieghe wose kwa kura; angu korekoghe wabaa wa Andu kwa Wueli na wabaa wa kazi zima ra Mlungu aghadi ya wana wa Eliezeri, na wana wa Ithamari.

NEHEMIA 11:1

Vilongozi va wandu werekoghe wikikaia Jerusalemu, na wandu wazima wose wikakaba kura wipate kinyumba chimweri aghadi ya vinyumba ikumi vikaie Jerusalemu ugho muzi ghwa wueli, na vinyumba ikenda kwa ikumi wikaieghe andenyi ya mizi mizima.