JOSHUA 15:9 - Biblia Ilagho Jiboie Kwa Wandu Wose

⁹ Kufuma aho, mpaka ghukaenda hata Ndoria ra Machi gha Neftoa, na kuida hata mizi iko kaavui na Mghondi ghwa Efroni, aho ghukaghaluka kulangaya Baala niyo Kiriath-jearimu.

JOSHUA 15:9 Referans Kwoze

1 MALAGHO GHA NGELO 13:6

Niko Daudi na wandu wose wikaghenda muzi ghwa Baala nigo Kiriath-jearimu ghuko Juda, kuireda Sanduku ya Mlungu iwikilo kwa wundu ghwa irina ja BWANA ukaiagha aighu ya makerubi.

JOSHUA 18:15

Mpaka ghwa kusinyi ghodezoia mdonyi ghwa Kiriath-jearimu na kughenda magharibi hata Ndoria ya Neftoa.

WATANYI 18:12

wikaghenda na kubonya kambi magharibi ya Kiriath-jearimu andenyi ya Juda; kwa wundu ughu andu aho kwadua kukiwangwa Mahanedani.

2 SAMUELI 6:2

Ukajokanya na wandu wose werekwanyeghe nao kufuma Baal-Juda; wipate kuireda Sanduku ya Ilaghano ja BWANA, iyo iwangilo kwa irina ja BWANA wa majeshi, uo ukaiagha kidombo kifumbinyi cha nguma aighu ya makerubi.

JOSHUA 9:17

Waisraeli wikazoya kuwighendia, hata nyuma ya matuku adadu, wikavikia mizi ya awo wandu; Gibeoni, Kefira, Beerothi na Kiriath-jearimu.

1 SAMUELI 6:21

Niko wikaduma wandu Kiriath-jearimu wikighamba, “Wafilisti wawunja Sanduku ya Ilaghano; choonyi muionde.”

JOSHUA 15:29

Baala, Iimu, Esemu,

JOSHUA 15:60

Korekoghe na Kiriath-baal (nigho Kiriath-jearimu) na Raba: yose ni mizi iwi chiaimweri na mizi yawo mitini.