JOSHUA 15:8 - Biblia Ilagho Jiboie Kwa Wandu Wose

⁸ ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.

JOSHUA 15:8 Referans Kwoze

JOSHUA 18:16

Niko ghukasea nokoisi hata kirimba cha mghondi ghulangayagha Vololo ya Hinomu, ghuko kaskazinyi kutuonyi kwa Vololo ya Refaimu. Niko ghukaida cha kusinyi, kuidiria Vololo ya Hinomu; cha kusinyi luwarunyi kwa Wajebusi na kusea nokoisi cha Enrogeli.

JOSHUA 15:63

Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.

WATANYI 19:10

Ela uja mundu ukalegha ukawuka na kughenda ukavika kulangaya Jebusi (nigho Jerusalemu) orekoghe na weke punda wawi waalwa chiaimweri na muka wake okanya.

JOSHUA 18:28

Zela, Haelefu, Jebusi (angu Jerusalemu) Gibea na Kiriath-jearimu: mizi ikumi na ina, chiaimweri na mizi yaro mitini. Iji nijo ifwa ja kichuku cha Benjamini kunughana na nyumba rawo.

2 WAZURI 23:10

Mzuri Josia ukalusha Tofethi wulalo ghotasira milimu, ghuko vololonyi ya wana wa Hinomu, eri mndungi usewuefunya mwana ungi wake kizongona chekora, kwa ghuja mlungu Moleki.

WATANYI 1:21

Ela wandu wa Benjamini ndewerewingieghe Wajebusi awo werekoghe wikikaia Jerusalemu, na kufuma aho Wajebusi wikakaianya na wandu wa Benjamini hata idime.

JEREMIA 19:14

Niko Jeremia ukafuma Tofethi, andu BWANA oremdumieghe kufunya wulodi, ukakaia kimusi wazenyi ya Hekalu na kuwizera wandu wose,

JEREMIA 19:6

Kwa huwo ini BWANA naghamba kukaia, matuku ghichacha, andu aha kusechaawangwa sena Tofethi angu Vololo ya Hinomu; ela kuchawangwa Vololo ya Machinjo.

JEREMIA 19:2

mwendanye vololo ya Hinomu kwa kuidiria Mbenge ya Chuwigha, kupate kughora agho malagho nichaakughoria.

ISAYA 17:5

Israeli ichawuya sa mbuwa ikuwidiro, sa mbuwa ikuwidiro na kusighwa duu aja vololo ya Refaimu.

2 MALAGHO GHA NGELO 28:3

Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.

2 SAMUELI 5:22

Nao Wafilisti wikajoka sena na kusasarika andenyi vololonyi ya Refaimu.

2 SAMUELI 5:18

Wafilisti wikacha na kusasarika andenyi vololonyi ya Refaimu.

WATANYI 1:8

Wandu wa Juda wikalwa na Jerusalemu, na kughuwada ugho muzi. Wikawibwagha wandu werekoghe aho kwa lufu na kukora ugho muzi.

1 MALAGHO GHA NGELO 11:4

Mzuri Daudi na Waisraeli wose wikaghenda na kughukaba muzi ghwa Jerusalemu. Ghoremanyikieghe sa Jebusi, na Wajebusi werekoghe wikikaia aho sa waisanga waro.

NEHEMIA 11:30

andenyi ya Zanoa, na Adulamu na mizi iko kaavui nayo. Lakishi na mbuwa raro ra kaavui, na Azeka na mizi yaro. Huwo ni kughamba wandu wa Juda werekaieghe masanga gha Hinomu cha kaskazinyi.