JOSHUA 14:6 - Biblia Ilagho Jiboie Kwa Wandu Wose

⁶ Ituku jimu, wandu wamu wikacha kwa Joshua aja Gilgali kufuma Juda; umu wawo orekoghe Kalebu mwana wa Jefune, Mkenazi, ukamzera Joshua, “Oho kwawuyamanya seji BWANA oreghorieghe aja Kadesh-barnea aighu yako na ini.

JOSHUA 14:6 Referans Kwoze

MITALO 14:30

ndeuko mndungi uchaavika ijo isanga andu nerelaghirieghe mchakaia; ela Kalebu mwana wa Jefune na Joshua mwana wa Nuni weni.

MITALO 14:24

Ela mdumiki wapo Kalebu, kwa kukaia uko wuzima, nao wawuyaninugha tiki, nichamghenja ijo isanga orejighendieghe na kivalwa chake chichajiwusa.

MITALO 13:6

kwa kichuku cha Juda, ukafuma Kalebu mwana wa Jefune;

JOSHUA 14:14

Hebroni yaduagha ifwa ja kivalwa cha Kalebu mwana wa Jefune, Mkenazi, hata linu; kwa kukaia orekoghe mloli, ukamnugha BWANA Mlungu wa Israeli kwa ngolo yake yose.

MITALO 14:6

Joshua mwana wa Nuni, na Kalebu mwana wa Jefune, awo wereghendanyeghe na waja wandu wereghendieghe kujizighana isanga, wikarashua nguwo rawo;

JOSHUA 15:17

Nao Othinieli, mwana wa Kenazi mruna Kalebu ukaghuwada ugho muzi; niko Kalebu ukamfunya mwai wake Aksa ulowolo ni Othinieli.

MITALO 32:12

Ndekuwadie mndungi, ela Kalebu mwana wa Jefune, uo Mkenizi, na Joshua mwana wa Nuni; angu awo weremnughieghe BWANA nicha.

MITALO 13:26

Wikacha kwa Musa na Haruni, na izungu ja wandu wa Israeli jose jerekoghe Kadeshi, kireti cha Parani; wikawiredia wandu malagho, na kuwiwonyera matunda gha isanga.

ZABURI 90:1

BWANA, oho ko andu kodu kokaia matuku ghose.

2 TIMOTHEO 3:17

eri mundu wa Mlungu ukaie ukatie, uko tayari kubonya kula kazi ndicha.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 WAZURI 8:11

Ukamkuya meso hata Hazaeli ukakambwa ni chongo; nao Elisha ukalila.

2 WAZURI 8:7

Elisha ukaghenda cha Dameshki; na Ben-hadadi mzuri wa Siria orekoghe mkongo. Mzuri Ben-hadadi ukaghorelwa kukaia mlodi Elisha wacha aho.

2 WAZURI 4:42

Ngelo imu, mndumu ukacha kufuma Baal-shalisha; ukamredia Elisha mikate mirongo iwi ya shairi kufuma kwa mavalo ghake gha imbiri, andwamweri na vanga viwishi va viro mfukonyi kwake. Elisha ukaghamba, “Neka wandu wije.”

2 WAZURI 4:16

Nao Elisha ukamzera, “Kimu sa ichi mwaka ghuchagha, kuchammbwadia mwana wa womi.” Uja muka ukaghamba, “Ii hata bwana wapo, mundu wa Mlungu kuseningire isuwirio ja tee ini mdumiki wako.”

2 WAZURI 4:9

Uja muka ukamzera mumi wake, “Nachawona umundu uidagha aha ni mweli wa Mlungu.

1 WAZURI 13:14

Ukamnugha uja mlodi; ukamkua wasea kidombo aisi ya mwaloni. Nao ukamkotia, “Welee, oho ko uja mlodi ufumie Juda?” Ukatumbulia, “Ee ni ini moni.”

1 WAZURI 13:1

Nao mlodi ukasea kufuma Juda wadumwa ni Mlungu kughenda Betheli. Ukamkua Jeroboamu uko kimusi madhabahunyi ufukire marumba.

JOSHUA 10:43

Joshua ukawuya na wandu wose wa Israeli hata kambinyi Gilgali.

JOSHUA 4:19

Wandu wikaruwuka Jordani ituku ja ikumi ja mori ghwa imbiri wikadunga kambi Gilgali, cha mashariki ya Jeriko.

WUKUMBUSO 34:10

Na jingi mlodi ungi ndecheewuka andenyi ya Israeli uko sa Musa; BWANA wadaaja malagho nao wushu kwa wushu.

WUKUMBUSO 34:5

Kwa huwo Musa mdumiki wa BWANA ukafwa isanga ja Moabu kunughana na ilagho ja BWANA;

WUKUMBUSO 33:1

Agha ni marasimio uo mundu wa Mlungu Musa oreghifunyireghe kwa wandu wa Israeli imbiri usefue.

MITALO 13:30

Ela Kalebu ukawinyamirisha wandu imbiri ya Musa, ukawizera, “Ndedijoke shwa wori dijingie; angu deko na ndighi resima.”

MITALO 26:65

Angu BWANA odewizera kukaia “Wichafuya kireti.” Kwa huwo mndungi wawo nderekoghe wasigharika, ela Kalebu mwana wa Jefune na Joshua mwana wa Nuni.

JEREMIA 35:4

Ngawireda andenyi ya Hekalu ya BWANA, andenyi ya chumba cha wana wa Hanani mwana wa Igdalia, mundu wa Mlungu; cherekoghe kaavui na chumba cha wabaa, naighu ya chumba cha Maaseia mwana wa Shalumu, mlindiri mnyango.

1 MALAGHO GHA NGELO 23:14

Ela wana wa Musa uo mundu wa Mlungu weretaliloghe andenyi ya mbari ya Lawi.