JOSHUA 11:2 - Biblia Ilagho Jiboie Kwa Wandu Wose

² na kwa wazuri wa masanga gha mighondinyi cha kaskazinyi, andenyi Vololonyi ya Jordani, na kusinyi ya Ndiwa ya Galilaya mighondinyi mitini cha Nafoth-dori.

JOSHUA 11:2 Referans Kwoze

WATANYI 1:27

Kichuku cha Manase ndecherewiwingieghe wandu awo werekoghe wikikaia Beth-sheani chiaimweri na mizi yaro mitini, hata Taanaki na mizi yaro mitini, hata na wandu werekoghe wikikaia Ibleamu na mizi yaro mitini, hata na wandu werekoghe wikikaia Megido, na mizi yaro mitini; Wakanaani ndewererumiriloghe kujisigha ijo isanga.

JOSHUA 12:3

Na isanga ja Vololo ya Jordani hata Bahari ya Galilaya cha mashariki, na noko cha Beth-jeshimothi hata Bahari ya Araba iyo Bahari ya Chumbi, cha kusinyi chia ya mishoromoto ya Pisga.

JOSHUA 17:11

Andenyi ya isanga ja Isakari na Asheri, Manase orepatireghe muzi ghwa Beth-sheani na Ibleani chiaimweri na mizi yaro mitini mitini, chiaimweri na wandu werekoghe mizi ya Dori, Endori, Taanaki, Megido, na mizi yaro mitini ya mbai mbai; muzi ghwa kadadu ni Nafati.

MITALO 34:11

ghusee kufuma Shefamu ghuvike Ribla iichia cha mashariki ya Aini, na kusea hata ghuvike Ribla iichia cha mashariki ya Aini, na kusea hata ghuvike bahari ya Galilaya iichia cha mashariki.

1 WAZURI 4:11

Ben-abinadabu, wa masanga gha Nafath-dori (oremlowueghe Tafathi mwai wa Solomoni);

JOSHUA 12:23

Dori cha pwani, Goiimu cha Galilaya,

LUKA 5:1

Nao iji orekoghe kimusi mbai mbai ya ndiwa ya Genesareti, wandu wengi wikacha na kumtindiria wikikunda kujisikira ilagho ja Mlungu.

LUKA 1:39

Nyuma ya matuku ghaja, Maria ukawuka na kughenda shwa-shwa cha muzi ghumu ghwa mighondinyi ya isanga ja Judea.

JOSHUA 13:27

na vololonyi ya Jordani iko na mizi ya Beth-haramu, Beth-nimra, Sukothi na Safoni, nako ni kutua kwa wuzuri ghwa Sihoni mzuri wa Heshboni. Mpaka ghwawo ghwa magharibi ghorekoghe Moda ghwa Jordani hata kuvikia cha kaskazinyi kutua kwa Ndiwa ya Galilaya.

JOSHUA 11:21

Ngelo iyo Joshua ukaghenda na kuwitotesha Waanaki awo werekoghe wikikaia masanga gha mighondinyi gha Hebroni, Debiri, Anabu, na masanga ghose gha mighondinyi gha Juda na Israeli. Wandu wose wa agho masanga ukawitotesha putu chiaimweri na mizi yawo.

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:6

Nao wandu wa Gibeoni wikaduma momu kwa Joshua uko Gilgali wikighamba, “Kusakedisighia isi wadumiki wako, choo shwa-shwa kuditesie, kudikire, kwa kukaia wazuri wa Waamori wikaiagha isanga ja mighondinyi wadikwanyikia.”

JOSHUA 11:16

Kwa huwo Joshua ukawusa ijo isanga jose, isanga ja mighondinyi na ja kaskazinyi na kusinyi, isanga jose ja Gosheni na kireti charo cha kusinyi, na isanga ja mighondi ya Israeli, chiaimweri na Vololo ya Jordani.

1 WAZURI 15:20

Ben-hadadi ukamsikira Mzuri Asa; ukaduma wabaa wake wa majeshi wikabe mizi ya Israeli. Wikasima mizi ya Ijoni, na Dani, na Abel-beth-maaka, na Kinerothi yose, na isanga jose ja Naftali.