JOSHUA 11:17 - Biblia Ilagho Jiboie Kwa Wandu Wose

¹⁷ Wubaa ghwa ijo isanga ghorekoghe kufuma Mghondi ghwa Halaki cha kusinyi kaavui na Edomu, hata Baal-gadi cha kaskazinyi; andenyi ya vololo ya Lebanoni, kusinyi ya Mghondi ghwa Hermoni.

JOSHUA 11:17 Referans Kwoze

WUKUMBUSO 7:24

Uchabonya wazuri wawo muwisime, nenyo mchawibwagha na kuwimeria hata wiliwike isangenyi; mndungi ndechaadima kumtangala, hata mwameria kuwitotesha.

JOSHUA 13:5

na isanga ja Wagebali, na Lebanoni yose kulangaya cha mashariki; kufuma Baal-gadi iko naisi ya Mghondi ghwa Hermoni hata andu kongiria Hamathi.

JOSHUA 11:3

Sena ukaduma malagho kwa Wakanaani chia rose ra Jordani, na kwa Waamori, Wahiti, Waperizi, na kwa Wajebusi andenyi ya isanga ja mighondinyi; wokoni na kwa Wahivi, awo werekoghe wikikaia kirimbenyi cha Mghondi ghwa Hermoni andenyi ya isanga ja Mispa.

JOSHUA 1:4

Mpaka ghonyu ghuchakaia kufuma kireti cha kusinyi hata Mghondi ghwa Lebanoni cha kaskazinyi; na kufuma ghuja moda m'baa ghwa Eufrate cha mashariki, na isanga jose ja Wahiti, hata noko cha magharibi ya Bahari ya Mediterania.

WUKUMBUSO 33:2

BWANA orechieghe kufuma Mghondi ghwa Sinai; ukajoka sa iruwa aighu ya Edomu, ukang'ala-ng'ala kwa wandu wake kufuma Mghondi ghwa Parani ukacha andwamweri na weke malaika elfu ikumi uko na lumu lwa modo mkonunyi kwake ghwa kiwomi.

WUKUMBUSO 2:1

“Niko dikaghaluka, na kudamba cha kireti chia ya Bahari ya Shamu, seji BWANA orenizerieghe; na kwa matuku mengi, derekoghe dikighumara mghondi ghwa Seiri.

KUZOYA 32:3

Nao Jakobo ukaduma wadumi wizoe wikirie kwa mruna Esau, aja Seiri, isanga ja Edomu,

WUKUMBUSO 3:9

(Wasidoni wadawanga Mghondi ghwa Hermoni, Sirioni; ela Waamori wadaghuwanga Seniri).

JOSHUA 11:18

Joshua orebonyereghe wuda na wazuri wa agha masanga kwa ngelo ndacha.

ZABURI 89:12

Kwaumbie kaskazinyi na kusinyi; Mghondi ghwa Tabori na Mghondi ghwa Hermoni yadakukasa kwa kuboilwa.

WUKUMBUSO 1:7

Funganyenyi mghende cha isanga ja mighondinyi ja Waamori, na wambao wose wiwimarie, hata vololo ya Jordani isanga ja mighondinyi, na ja wurindinyi, noko cha masanga gha kusinyi hata kireti cha Mediterania. Ghendenyi cha isanga ja Kanaani hata Mighondi ya Lebanoni hata kuvikia ghuja moda m'baa ghwa Eufrate.