JOSHUA 1:1 - Biblia Ilagho Jiboie Kwa Wandu Wose

¹ Nyuma ya kifwa cha Musa mdumiki wa BWANA, BWANA ukaghora na Joshua mwana wa Nuni mdumiki wa Musa, ukimzera,

JOSHUA 1:1 Referans Kwoze

WUKUMBUSO 34:9

Joshua mwana wa Nuni ukachulwa ni hikima, angu Musa orekoghe wammbika uwade wulalo ghwake; kwa wundu ugho wandu wa Israeli wikamsikira, nao ukabonya seji BWANA oremlaghirieghe Musa.

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

WUKUMBUSO 31:3

BWANA Mlungu onyu moni uchakiria na kuruwuka imbiri yenyu, nao ucharitotesha iro mbari riko imbiri konyu; eri mrisoke isanga jawo na Joshua uchamkiria, sa iji koni BWANA ughorie.

WUKUMBUSO 1:38

ela Joshua mwana wa Nuni, uo ukutesiagha, uchangia; mkumbe ngolo angu nuo uchaawibonya Waisraeli wipate ifwa ja ijo isanga.

KUFUMA 24:13

Musa na mdumiki wake Joshua wikawuka, na Musa ukajoka cha mghondinyi ghwa Mlungu.

WAROMA 1:1

Ini Paulo, mdumiki wa Jesu Kristo, niwangilo nikaie mdumi na kuwikwa kwa wundu ghojichila Ilagho Jiboie ja Mlungu.

MABONYO GHA WADUMI 7:45

Konyuma, weke aba wikighendanya na Joshua, wereidwaeghe ija Hema na kujiwada jija isanga kufuma kwa rija mbari rerewingiloghe ni Mlungu imbiri kwawo. Nao Hema ikakaia aho hata ngelo ra Daudi.

WUKUMBUSO 34:5

Kwa huwo Musa mdumiki wa BWANA ukafwa isanga ja Moabu kunughana na ilagho ja BWANA;

2 WAZURI 3:11

Mzuri Jehoshafati ukaghamba, “Welee, mlodi ungi wa BWANA ndeko aha dipate kukotia njama kwa BWANA?” M'baa umu wa mzuri wa Israeli ukatumbulia, “Elisha mwana wa Shafati oko aeni aha; nuo orekoghe mdumiki wa Elija.”

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

JOSHUA 12:6

Awa wazuri wawi weresimiloghe ni Musa na wandu wa Israeli; na Musa mdumiki wa BWANA, ukaneka isanga jawo kichuku cha Reubeni, Gadi, na nusu ya kichuku cha Manase jikaie ifwa jawo.

WUKUMBUSO 33:1

Agha ni marasimio uo mundu wa Mlungu Musa oreghifunyireghe kwa wandu wa Israeli imbiri usefue.

MITALO 13:16

Agha nigho marina gha wandu awo Musa orewidumieghe wiendejizighana isanga. Na Musa ukammbanga Hoshea mwana wa Nuni, Joshua.

MITALO 13:8

kwa kichuku cha Efraimu, ukafuma Hoshea mwana wa Nuni;

MITALO 12:7

Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

MITALO 11:28

Joshua mwana wa Nuni, mdumiki wa Musa, nao ni umu wa awo weresaghuloghe ukaghamba, “Bwana wapo Musa, wikanie.”

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

JAKOBO 1:1

Ini Jakobo mdumiki wa Mlungu, na wa Bwana Jesu Kristo, namuandikia inyo mbari ikumi na iwi risaghisikie wurumwengunyi. Namroghua.

TITO 1:1

Ini Paulo, mdumiki wa Mlungu na mdumi wa Jesu Kristo, kwa wundu ghwa kujimangisha ijo irumirio ja wasaghulwa wa Mlungu, na kumanya kwawo kwa iyo loli, kuko karakara na kuobua kwa Mlungu,

LUKA 16:10

Uo uko mloli kwa ghaja matini na ndighi, oko mloli kwa ghaja mabaa wori, na uo useko mloli kwa kaja katini na ndighi, ndeuko mloli kwa ghaja mabaa wori.

WUKUMBUSO 34:12

hata ndekuwadie mlodi ungi ubonyere kazi mbaa reobosha seji Musa orebonyereghe Waisraeli wose wikiwona.

JOSHUA 1:2

“Mdumiki wapo Musa wafue. Idana wuka kuruwuke Jordani oho na awa wandu wose wa Israeli, kungie ijo isanga nawuyawineka.

JOSHUA 1:15

hata BWANA wameria kuwineka awo wanyinyu kuhora karakara na inyo mmbeni, nawo weni wipate ijo isanga BWANA Mlungu onyu wawuyawineka. Aho niko inyo mchawuya isangenyi konyu mkaie aho cha mashariki ya Jordani andu Musa mdumiki wa Mlungu oremlaghirieghe.”

NEHEMIA 8:17

Wandu wose werewurieghe kufuma wubarishonyi wikaagha viwanda na kukaia andenyi; angu kufuma ngelo ra Jeshua mwana wa Nuni hata ituku ijo, wandu wa Israeli ndewerekoghe wabonya huwo. Kukakaia kuboilwa kubaa.