JONA 2:2 - Biblia Ilagho Jiboie Kwa Wandu Wose

² “Nerekuwangieghe niko wasinyi ee BWANA, na oho kukanitumbulia. Nerekukemieghe niko ghadi na ghadi ya Andu kwa Wafu, na oho kukanisikira.

JONA 2:2 Referans Kwoze

ZABURI 120:1

Nadamkemia BWANA kwa wasi ghwapo, nao wadanitumbulia.

ZABURI 34:6

Uo mundu mkiwa orewangieghe, BWANA ukamsikira; ukamkira na wasi ghwake ghose.

ZABURI 86:13

Oho kwanikunde nandighi; Kwanikirie na kifwa.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

1 SAMUELI 30:6

Daudi ukaja wasi nandighi, kwa kukaia wandu werezoeghe kuja malagho ghemlasa na magho, angu werekoghe na luwawo lubaa rohonyi kwa wundu ghwa wana wawo wa womi na wa waka. Ela Daudi ukafungishwa ndighi ni BWANA Mlungu wake.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

ZABURI 116:3

Kwa chia rose nedeeka ndengonyi ya kufwa; wowa ghwa kaburi ghorenipatireghe; ngachulwa ni wowa na kukambwa ni chongo.

ZABURI 22:24

Kwa kukaia ndemenyere angu kuzamilwa ni makorongo gha uo ukorongagha; ndereleghieghe kumzighana, ela iji oremlilieghe, ukamsikira.

ZABURI 4:1

Ngakuwanga, kunitumbulie ee Mlungu mdederii wapo. Oho koreniteserieghe, ngelo nerekoghe wasinyi. Kunifuye wughoma, kusikire ilombi japo.

LUKA 22:44

Nao moni ukikaia na wasi m'baa, ukalomba kwa kufunga ndighi, hata marughudia ghake ghikakaia ghikitonya andoenyi sa matanda mabaa gha bagha.]

ISAYA 14:9

Andu kwa Wafu kwawuka kukwana na oho, ngelo kwaghenda aho ee Mzuri wa Babuloni; kwarinyavura roho ra awo wifue wikuroghuo. Awo wose werekoghe vilongozi va ndoenyi, kwawiwusira kufuma vifumbinyi vawo va nguma, awo wose werekoghe wazuri wa iro mbari ra wandu.

ZABURI 65:2

Oho kusikiragha malombi, wandu wose wichakuchea,

ZABURI 61:2

Nadakuwanga nifue ngolo ngikaia kula na mzinyi; kunilongoze andu kwa ighu kuko na wulindiri ghukate.

ZABURI 16:10

Kwa kukaia ndekunisighagha nikaie Andu kwa Wafu, hata kumsigha Mweli wako uwone kuwoa kungi.

MABONYO GHA WADUMI 2:27

Angu ndekuchaaisigha roho yapo iduo kwa wafu, hata ndekuchaamsigha Mweli wako uwone kuwoa kungi anduangi.

1 SAMUELI 1:16

Kusakenigheshera ini mdumiki wako kukaia muka wa kisha kisha, kwa kukaia kufuma aho nedeeka ngilomba malagho gha bea yapo niko na kusirimika kubaa.”

KILILO CHA JEREMIA 3:55

“Nerekukemieghe niko konndonyi kinenyi ee BWANA.

EZEKIELI 26:20

aho niko nichakusera nokondenyi chiaimweri na wandu wiseagha cha kinenyi, kuendekanya na wandu wa kala, andenyi ya wurumwengu ghwa isi, andu kunonekie kufuma kala; kuchakaianya na wafu wikaigha aho kinenyi, hata ndekuchaakailwa angu kukaia chiaimweri na wandu wiko moyo anduangi.

EZEKIELI 31:14

Agho ghose gheebonyeka eri kughiria midi ingi mizima isezoghuo kuchumba kuvikia mawingunyi, hata ngera yanyoshere machi saki. Midi yose ewikilwa kufwa sa wadamu na kusea chiaimweri na awo wiseagha Andu kwa Wafu.”

2 MALAGHO GHA NGELO 33:12

Nao iji orekoghe andenyi ya wasi, ukamvoya BWANA Mlungu wa weke ndee.

LUKA 11:10

Angu kula mundu ulombagha wadanekwa, na uo ulolagha wadawona, na uo ukongodagha wadarughuilwa.