JONA 1:9 - Biblia Ilagho Jiboie Kwa Wandu Wose

⁹ Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”

JONA 1:9 Referans Kwoze

NEHEMIA 9:6

Niko wandu wa Israeli wikalomba huwu: “Oho BWANA, ni oho kuekeri kuko BWANA; korebonyereghe ndoe na bahari na vose viko andenyi yaro; kukawineka wose irangi. Ijeshi jose ja mlungunyi jaghoghoma kukutasa oho.

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

2 WAZURI 17:28

Niko umu wa wakohani weredwaloghe kufuma Samaria ukawuya na kukaia Betheli; ukafundisha wandu seji ifwane kumtasa BWANA.

2 WAZURI 17:25

Ngelo werezoyagha kukaia aho, ndeweremtasireghe BWANA anduangi. Kwa huwo BWANA ukaduma shimba rikabwagha wandu wamu wawo.

KUZOYA 14:13

Niko aho mndumu orefufunukieghe ukacha ukamghoria Abramu Muebrania, uo orekoghe ukikaia kaavui na midi ya kuela ya Mamre Muamori mruna Eshkoli na Aneri, nawo niwo werewadaneghe na Abramu.

WUFUNUO 16:11

na kumuewia uo Mlungu wa mlungunyi kwa wundu ghwa luwawo na vonda vawo, hata ndewereherieghe na kughisigha mabonyo ghawo anduangi.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WAFILIPI 3:5

Nereshamishiroghe ituku ja wunyanya nyuma ya kuvalwa kwapo, ne Muisraeli wa mbari ya Benjamini, na Muebrania uvalo ni Waebrania; kwa kunugha Sharia, ne Mfarisayo;

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

AYUBU 1:9

Niko Shetani ukamtumbulia BWANA, “Kwani Ayubu waawuyamuobua Mlungu duu?

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

EZRA 5:11

“Wikaditumbulia huwu, ‘Isi de wadumiki wa Mlungu wa mlungunyi na ndoenyi, nesi diaagha nyumba ereaghiloghe miaka mingi isirie, iyo mzuri m'baa wa Waisraeli oreiaghieghe na kuimeria.

KUZOYA 39:14

ukawiwanga wadumiki wa nyumbenyi kwake ukawizera, “Zighanenyi wadiredie uhu Muebrania uchedidukana! Wangia aha ukikunda ulale nani, ngakema na lwaka lubaa,

KUFUMA 1:15

Nao mzuri wa Misri ukaghora na waka wevarisha wa Kiebrania, umu uwangwagha Shifira, na umu uwangwagha Pua, ukawizera,

KUFUMA 2:13

Ituku ja kawi ukafuma ukawona Waebrania wawi wikilwa, ukamzera uja orekoghe na makosa, “Kwaki kumkabagha Muebrania wa mzenyu?”

KUZOYA 1:10

Mlungu ukawanga andu kuomie “Ndoenyi,” na agho machi gheretumbanyikieghe ukaghiwanga, “Bahari.” Mlungu ukawona angu vaboie.

KUZOYA 24:7

BWANA, uo Mlungu wa mlungunyi orenifunyireghe nyumbenyi kwa aba, na kufuma ijo isanga nivailo, sena uo oreghorieghe nani na kunilaghira ukighamba, ‘Kivalwa chako nichachineka isanga iji,’ uo uchamkirisha malaika wake imbiri kwako, na oho kuchampatira mwana wapo muka kufuma aho.