JOHANE 3:8 - Biblia Ilagho Jiboie Kwa Wandu Wose

⁸ Mbeo yadaweta seji ikundagha, lwaka lwaro kwalusikira, ela ndekuimanyagha andu ifumagha hata andu ighendagha anduangi. Niko koni kwa mundu uo ose uvalwagha kwa Roho.”

JOHANE 3:8 Referans Kwoze

1 WAKORINTHO 2:11

Angu nani udimagha kumanya maza ra mundu useeka ni uja roho moni uko andenyi kwake? Huwo koni na mndungi ndedimagha kuritambua maza ra Mlungu, iseeka ni Roho wa Mlungu moni.

MABONYO GHA WADUMI 2:2

Shwa wori, wikasikira lwaka sa lwa mbeo mbaa iwetagha kufuma mlungunyi na kuichura nyumba yose andu werekoghe kidombo.

EZEKIELI 37:9

Mlungu ukanizera, “Idana funya wulodi aighu ya miruke, ee mwana wa mdamu, kuizere, Bwana MLUNGU waghamba huwu: Choo kufuma mbembe inya ra wurumwengu ee miruke, kuwingie awa wandu werebwaghiloghe wipate kukaia moyo.”

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

1 WAKORINTHO 12:11

Ela ni uja Roho moni umweri ubonyagha agha ghose; ukimmbaghia kula mundu inosi wuzima wuzima seji uo Roho ukundagha moni.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

ZABURI 107:29

Ukanyamirisha kiremba, na mivo-mivo ya bahari ikahoa.

ZABURI 107:25

Orefunyireghe momu, mbeo ya kiremba ikazoya kuweta; ikawusira mivo-mivo ya bahari.

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

MCHILI 1:6

Mbeo yadaweta cha kusinyi, na kughaluka cha kaskazinyi; yadamara-mara ikinugha chia rake, na kuwuya andu izoiagha.

JOHANE 3:7

Kusakeshinika wei nakuzera, ‘Suti kuvalo kawi.’

JOHANE 3:9

Nikodemo ukamkotia, “Maza iri ridimika wada?”