JOHANE 2:11 - Biblia Ilagho Jiboie Kwa Wandu Wose

¹¹ Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.

JOHANE 2:11 Referans Kwoze

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 3:2

Ukamghendia Jesu nakio ukamzera, “Rabi, dakumanya angu ko mwalimu udumilo kufuma kwa Mlungu, angu ndekuwadie mndungi udimagha kubonya weke mwakilimbiti awa kuwibonyagha, isaakaia Mlungu oko andwamweri nao.”

JOHANE 6:2

Izungu ibaa ja wandu jikamnugha, angu werewonieghe weke mwakilimbiti orewibonyereghe kwa kuwiboisa awo werekoghe wakongo.

JOHANE 6:30

Wikamkotia, “Ni mwakilimbiti uao kubonyagha nesi diwone dikurumirie? Kwabonya kaziki?

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 12:37

Hata ngera Jesu orebonyereghe awa weke mwakilimbiti wose imbiri yawo, ela ndewererumirieghe kwake anduangi,

JOHANE 2:23

Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe;

JOHANE 1:50

Jesu ukamzera, “Welee, kuarumiria angu nakuzera nakuwonieghe aisi ya mtini? Kuchawona maza mbaa kuchumba iri.”

ZABURI 96:3

Ereshenyi malagho gha wubaa ghwake aghadi ya mbari zima, na kazi rake ra mashiniko aghadi ya wandu wose.

1 JOHANE 5:13

Namwandikia malagho agha, inyo mrumiriagha kwa irina ja Mwana wa Mlungu, eri mpate kumanya angu moko na irangi ja kala na kala.

JOHANE 4:46

Jesu ukawuya sena Kana muzi ghwa Galilaya andu oreghalusireghe machi ghikawuya divei, na aho korekoghe na m'baa umu, mwana wake orekoghe mkongo aja Kafarnaumu.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

WUKUMBUSO 5:24

wikighamba, ‘Ola BWANA Mlungu odu wadiwonyera wubaa ghwake na ndighi rake, nesi dasikira lwaka lwake aghadi ya modo; dawona idime kukaia yadimika Mlungu ughore na mdamu sena ukaie moyo.

KUFUMA 4:9

Wikalegha kukurumiria hata kwa awa weke mwakilimbiti wawi, angu kukusikira; kudae machi kufuma moda ghwa Naili, nao kughidie andonyi na machi ghichawuya bagha aighu ya ndoe iomie.”

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

JOHANE 11:15

ela naboilwa kwa wundu ghonyu angu serekoghe aho, eri inyo mpate kurumiria. Elaima dighende kwake.”

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

1 WAZURI 17:24

Uja muka ukamzera Elija, “Idana namanya kukaia ko mundu wa Mlungu, hata malagho gha BWANA kwawuyadeda ni gha loli.”

JOHANE 1:43

Jesu ukawona uaghenda Galilaya, ukammbona Filipo ukamzera, “Kuninughe.”

JOHANE 2:1

Ituku ja kadadu korekoghe na arusi Kana muzi ghwa Galilaya, na mae Jesu orekoghe ahoeni.

JOHANE 4:3

Niko iji Bwana wamanya agho, ukafuma Judea na kuwuya sena Galilaya;

JOHANE 4:54

Uhu orekoghe mwakilimbiti wa kawi orebonyeroghe ni Jesu nyuma ya kucha Galilaya kufuma Judea.

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.

JOHANE 10:41

Na wandu wengi wikamchea wikighamba, “Johane nderebonyereghe alama ingi, ela malagho ghose oreghighorieghe Johane aighu ya mundu uhu ni gha loli.”

JOHANE 11:47

Niko Mafarisayo na wakohani wabaa wikakwanya Mwandu, nawo wikaghamba, “Dibonya wada? Mundu uhu waawuyabonya weke mwakilimbiti wengi.

JOHANE 12:18

Shekeria ya ijo izungu ibaa kummara ni angu weresikireghe kukaia Jesu orebonyereghe uo mwakilimbiti.

JOHANE 16:27

angu uo moni wamkunde inyo, kwa kukaia inyo mwanikunda ini, na kurumiria angu nerefumieghe kwa Aba.

JOHANE 16:30

Idana damanya kwaichi vilambo vose, hata ndekukunde mndungi ukukotie ilagho jingi anduangi; kwa huwu darumiria angu korefumieghe kwa Mlungu.”