JOHANE 19:1 - Biblia Ilagho Jiboie Kwa Wandu Wose

¹ Niko Pilato ukamfunya Jesu udamo na viboko.

JOHANE 19:1 Referans Kwoze

ISAYA 53:5

Ela odeshoghonolwa kwa wundu ghwa makosa ghedu, na kuvonolwa kwa wundu ghwa mawiwi ghedu; orenekeloghe adhabu kwa wundu ghwa kuboiswa kodu na kwa makabo ghake, dereombochokieghe.

MATHAYO 20:19

sena wichamfunya kwa wandu wa mbari zima, nawo wichamseka na kumkaba na viboko, na kumsulubisha, ela ituku ja kadadu ucharuka.”

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

LUKA 23:16

Kwa huwu nichamkaba na kiboko na kumfungua.” [

LUKA 18:33

wichamkaba na viboko na kum'bwagha, na ituku ja kadadu ucharuka.”

LUKA 23:23

Ela wikachuria kukema na chwaka mbaa, usulubisho; na kutua chwaka rawo rikasima.

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

ZABURI 129:3

Wademie mghongo ghwapo ndenyi, ghukawoneka sa mbuwa ilimilo.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.

2 WAKORINTHO 11:24

Mando masanu nakabilo ni Wayahudi vija viboko mirongo ina kupungua chimweri.