JOHANE 10:3 - Biblia Ilagho Jiboie Kwa Wandu Wose

³ Mlindiri mnyango wadamrughuya; na ng'ondi radasikira lwaka lwake ukiriwanga kwa marina ghawo, nao wadarighenja shighadi.

JOHANE 10:3 Referans Kwoze

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

JOHANE 10:4

Iji wameria kurifunya shighadi wadakiria imbiri kwawo, naro ng'ondi radamnugha angu raluichi lwaka lwake.

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JOHANE 10:14

Ini nuo Mlisha mucha. Iro rapo nariichi, naro wori raniichi ini,

WUFUNUO 3:20

Ola nakaia kimusi mnyangonyi naawuyakongoda, ngera mndungi wasikira lwaka lwapo na kurughua mnyango, nichangia andenyi kwake na kuja andwamweri nao, nao uchaja andwamweri nani.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”

WAROMA 8:30

Na awo Mlungu orewisaghueghe, awo ukawiwanga, ukawitala kukaia na hachi, na awo orewitalieghe kukaia na hachi, awo wori ukawineka wubaa.

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

LUMBO 8:13

Neekunda kusikira lwaka lwako kufuma mbuwenyi mkundwa; wangara wapo waawuyaweseria wisikire kukideda.

KUFUMA 33:17

BWANA ukamzera Musa, “Nichabonya ijo ilagho jeni kwanilomba angu kuniboiagha; sena nakuichi loli kwa irina jako.”

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WAKOLOSAI 4:3

Mdilombie na isi wori, eri Mlungu udirughuye mnyango ghojighora ijo ilagho, dipate kuieresha iyo ngasu ya Kristo, iyo nayo kwa wundu ghwaro, neko kifungonyi;

WAFILIPI 4:3

Nani nakulomba oho wori mngara wa kazi wa loli, kuwitesie awo waka; angu wabonyere kazi mbaa andwamweri nani edumikia ijo Ilagho Jiboie, dikwanye na Klementi na wangara wapo wa kazi wazima; awo marina ghawo ghiko andenyi ya chuo cha irangi.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

1 WAKORINTHO 16:9

angu narughuilwa mnyango m'baa nipate kubonya kazi nicha, na wamaiza nawo ni wengi.

MAKATANISHO 27:23

Kumanye ng'ondi rako seji riko, na mfugho rako kurizighane,

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

1 JOHANE 4:6

Isi de wa Mlungu. Uo ose ummanyagha Mlungu wadadisikira; na uo useko wa Mlungu ndeudisikiragha. Kwa chia ihi dammanya uo Roho wa loli, na uo roho wa tee.

3 JOHANE 1:14

nasuwiria kukuwona kafwani, nesi dichaja malagho wushu kwa wushu.