JOHANE 10:2 - Biblia Ilagho Jiboie Kwa Wandu Wose

² Ela uo ungiagha kwa kuidiria mnyangonyi, nuo mlisha wa ng'ondi.

JOHANE 10:2 Referans Kwoze

JOHANE 10:14

Ini nuo Mlisha mucha. Iro rapo nariichi, naro wori raniichi ini,

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

ZABURI 23:1

BWANA nuo mlisha wapo, sichaasowa kindo chingi anduangi;

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

MCHILI 12:11

Madedo gha mundu wa hikima gheeka sa mzata ghusongokie gholisha mfugho, na mifwano itumbanyiro sa misumari ikomerelo ikamanga. Eenekwa ni Mlungu, uo Mlisha odu isi diwose.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

1 TIMOTHEO 4:14

kusesighe kutumia inosi ja kiroho kuko najo, ijo korenekeloghe kwa chia ya wulodi, iji waghosi werekuwikirieghe mikonu.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.

ZEKARIA 11:5

Waghui waro wadaribwagha hata ndewinekwagha adhabu. Wadauza nyama na kughora, ‘BWANA ndekaso, dawuya wazuri wa mali nao!’ Walisha waro weni ndewine wughoma naro.”

ZEKARIA 11:3

Wabonyi nguma waawuyakema kwa wasi; wubaa ghwawo ghwameria kuinjwa! Sikirenyi mrurumo ghwa shimba; mbagho yawo ekaia iko Jordani yameria kunonwa!

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.

TITO 1:5

Nerekusighieghe Krete eri kupate kuriboisa iro maza riserekoghe nicha, na kuwisaghua waghosi wa Ikanisa andenyi ya kula muzi seji nerekuzerieghe.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

ISAYA 63:11

Niko wikakumbuka matuku gha kala gha Musa mdumiki wa Mlungu, wikakotia, “Oko hao uo BWANA orewijosereghe vilongozi kufuma baharinyi? Oko hao uo BWANA orewinekieghe awo wandu Roho wake Mweli?

MATHAYO 15:11

icho chimngiagha mundu momunyi kwake, sicho chingi chimlushagha anduangi; ela icho chimfumagha momunyi kwake, nicho cheni chimlushagha mundu.”