JOHANE 10:16 - Biblia Ilagho Jiboie Kwa Wandu Wose

¹⁶ Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JOHANE 10:16 Referans Kwoze

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

WUFUNUO 3:20

Ola nakaia kimusi mnyangonyi naawuyakongoda, ngera mndungi wasikira lwaka lwapo na kurughua mnyango, nichangia andenyi kwake na kuja andwamweri nao, nao uchaja andwamweri nani.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.

2 WATHESALONIKE 2:13

Ela isi, deko na suti emfunyira Mlungu chawucha matuku ghose, kwa wundu ghonyu wanidu mkundo ni Bwana; kwa kukaia Mlungu oremsaghueghe inyo kufuma kuzoya, mpate kukia kwa chia ya kueleshwa ni uja Roho, na kuirumiria ija loli.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

MABONYO GHA WADUMI 22:14

Nao ukaghamba, ‘Mlungu wa weke aba wakusaghue kumanye lukundo lwake, kummbone uja Mhachi, na kusikira lwaka kufuma momunyi kwake;

MABONYO GHA WADUMI 18:10

angu ini neko andwamweri na oho, hata ndekuwadie mndungi uchaakubonya ilagho jingi jizamie anduangi; angu ini neko na wandu wengi andenyi ya muzi ughu.”

MABONYO GHA WADUMI 15:14

Simeoni waghora idakoni seji Mlungu orezoeghe kuwivikia wandu wa mbari zima, ukupatire wandu kufuma aghadi kwawo kwa wundu ghwa irina jake.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

EZEKIELI 37:22

Nani nichawibonya wikaie mbari imweri isangenyi, aighu ya mighondi ya Israeli; na mzuri umweri uchawibonyera nguma wose, nawo ndewichaakaia mbari iwi sena, hata ndewichaawaghika wikaie mawuzuri awi sena anduangi.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

MCHILI 12:11

Madedo gha mundu wa hikima gheeka sa mzata ghusongokie gholisha mfugho, na mifwano itumbanyiro sa misumari ikomerelo ikamanga. Eenekwa ni Mlungu, uo Mlisha odu isi diwose.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

JOHANE 10:2

Ela uo ungiagha kwa kuidiria mnyangonyi, nuo mlisha wa ng'ondi.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

EZEKIELI 34:6

Ng'ondi rapo reresaghisikieghe, rikamara-mara aighu ya mighondi yose, na kula mghondi mlacha; ng'ondi rapo reresaghisikieghe ndoenyi kose, hata ndekuwadie mndungi orerilolieghe anduangi.

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

JOHANE 10:3

Mlindiri mnyango wadamrughuya; na ng'ondi radasikira lwaka lwake ukiriwanga kwa marina ghawo, nao wadarighenja shighadi.

JOHANE 10:4

Iji wameria kurifunya shighadi wadakiria imbiri kwawo, naro ng'ondi radamnugha angu raluichi lwaka lwake.

JOHANE 10:5

Ng'ondi iro, nderidimagha kumnugha mghenyi, ela richamkimbia, kwa kukaia nderilumanyagha lwaka lwa waghenyi anduangi.”

JOHANE 17:20

“Nani siwilombiagha awo weni wiekeri anduangi, ela hata na awo wichaanirumiria kwa wundu ghwa ilagho jawo.

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

LUKA 15:8

“Angu ni muka uao uko na shilingi ikumi, ukalaghasha imweri, usekoragha taa na kufwagia nyumba na kuilola nicha hata uiwone?