JOHANE 10:11 - Biblia Ilagho Jiboie Kwa Wandu Wose

¹¹ “Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

JOHANE 10:11 Referans Kwoze

JOHANE 15:13

Ndekuwadie lukundo lungi luchumbie ulu, lwa mundu kujifunya irangi jake kwa wundu ghwa waghenyi wake.

ZABURI 23:1

BWANA nuo mlisha wapo, sichaasowa kindo chingi anduangi;

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

1 JOHANE 3:16

Kwa ilagho iji, dalumanya lukundo; kukaia, Kristo orefunyireghe irangi jake kwa wundu ghodu, nesi yadifwana difunye marangi ghedu kwa wundu ghwa awo wanidu.

2 SAMUELI 24:17

Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

JOHANE 10:2

Ela uo ungiagha kwa kuidiria mnyangonyi, nuo mlisha wa ng'ondi.