JOELI 2:24 - Biblia Ilagho Jiboie Kwa Wandu Wose

²⁴ Andu kochania kuchachua viro, vighombo viko kaavui na andu kokamia vichadika-dika divei na mavuda.

JOELI 2:24 Referans Kwoze

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

AMOSI 9:13

BWANA waghamba, “Olenyi matuku ghiacha, mbeu ichabuka na kuzoghua naiseghe kuchumba seji idimagha kukuwidwa, na zabibu richawurwa shwa-shwa kuchumba seji divei idimagha kuboiswa. Mighondi ichafunya divei isingie, na mighondi mitini ichadika-dika divei.

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

JOELI 3:13

Awa ni wandu wizamie nandighi; wibwaghe karakara na ngano idemwagha ngelo ya makuwido; wifashe-fashe karakara na zabibu rikamwagha andenyi ya kidu chekamia zabibu hata divei ichuo na kudika-dika.”

WALAWI 26:10

Makuwido ghenyu ghichakaia mengi nandighi ghemeria mwaka; hata ichakaia suti kuinja viro va kala, eri mdime kungira viro viwishi.

WALAWI 25:19

Isanga jichava mavalo gharo, na oho kuchaja kughude na kukaia banana.

EZEKIELI 36:8

“Ela inyo ee mighondi ya Israeli, midi yenyu ichadungia na kubonya mbashu, nayo ichava matunda kwa wundu ghwa wandu wapo Israeli, angu kafwani koni wichaghala.