JOELI 2:23 - Biblia Ilagho Jiboie Kwa Wandu Wose

²³ “Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

JOELI 2:23 Referans Kwoze

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

WALAWI 26:4

nichamredia vua kwa vimu varo, isanga jipate kuva viro, na midi ive matunda.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

WUKUMBUSO 11:14

uchanyesha vua kunughana na vimu varo; vua ya sumesu na vua ya kwari; mpate kukuwida viro venyu, divei na mavuda ghenyu.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

WAFILIPI 3:1

Kutua wanidu boilonyi andenyi ya Bwana. Siwonagha wasi ghungi ngamwandikia ngiwuria ghaja malagho gheni, na inyo ghimfwana.

ZEKARIA 10:1

Mlombenyi BWANA vua ngelo ya kimu cha mwaka. BWANA nuo uredagha iwingu ja vua na mshushure; nuo ubonyagha mbuwa rikaie na miwalwa ideghedekie kwa kula mundu.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.

WUKUMBUSO 28:12

BWANA uchakurughuya mali rake ndicha ra mlungunyi, na kunyesha vua isangenyi kwa vimu varo, nao ucharasimia kazi rako; kuchakopesha mbari nyingi, ela oho ndekuchaakopa anduangi.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

JEREMIA 5:24

Ndewighoragha ngolonyi kwawo, ‘Ndedimuobuo BWANA Mlungu odu, uo udinekagha vua kwa vimu varo; vua ya sumesu na vua ya kwari, uo udiwikiagha vimu va makuwido.’

ZABURI 104:34

Uko kumririkanya BWANA kwapo, ndekum'boie, angu nuo unibonyagha niboilo.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 30:21

Kuchasikira lwaka lukighora nyuma yako, “Ola chia ni iyo, muinughe; ngelo mghalukagha mkonu ghwa kiwomi angu ghwa kiwaka.”

MAKATANISHO 16:15

Mzuri ukazighana na wushu ghuelie ni irangi wurumirio ghwake ni sa iwingu jiredagha vua ya kimu.

ZABURI 32:11

Boilonyi mzume andenyi ya BWANA inyo wahachi; kabenyi chukilighili inyo muko na ngolo ndicha.

AYUBU 33:23

Kewada malaika umu wadima kucha kumtesia, umu wa maelfu gha weke malaika wa Mlungu, uwikumbusagha wandu kazi rawo.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

AMOSI 4:7

Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.

KILILO CHA JEREMIA 4:2

Wadawana wa Sioni werekoghe wa zoghori mbaa kodu sa dhahabu, ela idana wawuyabonywa sa nyungu ra wongo, kazi ya mikonu ya mvimbi.

ZEKARIA 9:13

Nichamtumia Juda sa ndana ya asikari na Israeli sa mawanu. Nichawitumia wandu wa Sioni sa lufu, nipate kulwa na wandu wa Griki.”

MABONYO GHA WADUMI 14:17

Ela sena nderekusighieghe uo moni kuseko na wushuhuda, angu orebonyereghe nicha kwa kumneka vua kufuma mlungunyi, na vimu va mvono; ukamneka vindo, na kuchura ngolo renyu kuboilwa.”

ZABURI 84:6

Wikakaida aghadi ya vololo iomie ya Baka, yadawuya andu kwa ndoria ra machi; vua ya kwari yadaichura viriwa va machi.

1 WAZURI 8:36

kusikire aho mlungunyi, kufuye wughoma kaung'a ya wadumiki wako Israeli. Kuwifundishe kubonya agho ghiko gha hachi, kurede vua isangenyi korewinekieghe jiwuye ifwa jawo.

AYUBU 37:13

Mlungu wadanyesha vua kuinyoshera ndoe; wadima kuinyesha kwa kukaba wandu, angu kwa kuwonyera lukundo lwake.

ZABURI 147:8

Wadafinikira mlungunyi na mawingu, na kubonya vua kwa wundu ghwa ndoe; wadabusa nyasi aighu mighondinyi.

EZEKIELI 34:26

“Nani nicharirasimia aighu ya mghondi ghwapo, na kurinyeshera vua kwa kimu charo; kuchakaia na mami gha marasimio.