JOELI 2:21 - Biblia Ilagho Jiboie Kwa Wandu Wose

²¹ “Kusakeobua ee isanga, boilwa na kuzuma, angu BWANA wakubonyera maza mbaa.

JOELI 2:21 Referans Kwoze

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

ISAYA 35:1

Kireti na isanga jiomie jichakaia na kuboilwa, ikara jichaboilwa na kufunya mboi sa ra waridi;

1 SAMUELI 12:16

Idana kaienyi kimusi mpate kuwona ilagho ibaa BWANA uchaajibonya imbiri konyu.

ZEKARIA 8:15

Ela idana naawuyabonya mipango ewirasimia wandu wapo wa Jerusalemu na Juda. Kwa huwo msakeobua.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

1 SAMUELI 12:24

Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.

WUKUMBUSO 4:32

“Kotia malagho gha ngelo riidie, iro rerekoghe imbiri kusevalo, kufuma Mlungu waumba mdamu ndoenyi; lola kufuma iichia hata iichia wurumwengunyi kose, kuwone ngera jingi ilagho sa iji jabonyekie angu kusikirwa andu kungi.

ZABURI 98:8

Machi ndeghikabe chui, mighondi ndeim'borie BWANA kwa kuboilwa,

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

HOSEA 2:21

Ngelo iyo nichatumbulia malombi gha wandu wapo Israeli; nichabonya vua inye ndoenyi,

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 55:12

“Mchasigha Babuloni kwa kuboilwa, nenyo mchalongozwa cha shighadi kwa sere; mighondi mibaa na mitini ichawoka kubora imbiri konyu, na midi yose iko mlambenyi ichakaba chui.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.