JOELI 1:13 - Biblia Ilagho Jiboie Kwa Wandu Wose

¹³ Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:13 Referans Kwoze

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

2 WAKORINTHO 11:23

Awo ni wadumiki wa Kristo? Ini ni kuchumba; naghora sa mundu wa isu. Nadumikie nandighi kuchumba, ngafungwa mando malazi, ngakabwa makabo ghisetalikagha, ngelo ndazi ngikabwa kaavui na kufwa.

2 WAKORINTHO 6:4

ela sa wadumiki wa Mlungu dakuwonyera diweni kwa kula chia; kwa kurumaghia kungi, kwa matiriro, wukiwa, na wasi;

2 WAKORINTHO 3:6

Uo udibonyere difwane kukaia wadumiki wejidumikia ijo Ilaghano Iwishi, si kwa sharia iandikilo anduangi, ela kwa Roho; angu sharia iandikilo yadabwagha, ela Roho wadakaisha moyo.

1 WAKORINTHO 9:13

Welee, ndemmanyire angu awo wiandikilo widumike Hekalunyi wadaja vindo va Hekalunyi, na awo widumikagha madhabahunyi wadapata iwaghio ja ivo vizongona vifunywagha anguwada?

1 WAKORINTHO 4:1

Yafwane mundu udimanye huwu, kukaia isi de wadumiki wa Kristo, na wazighaniri wa iyo ngasu ya Mlungu.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

MITALO 29:6

Mfunye vizongona ivi, kula na vija vizongona vekora va tulituli, vifunywaghwa kula ituku ja imbiri ja mori chiaimweri na vizongona varo vekora, na viro, na va kunywa seji vilaghirilo ivi vizongona va vindo vamnukiagha BWANA nicha.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

EZEKIELI 21:12

Kema kudiko ni mbori ee mwana wa mdamu; kwa kukaia ulo lufu ni aighu ya wandu wapo, na aighu ya wabaa wa Israeli; wamerie kufunywa chiaimweri na wandu wapo wibwagho kwa lufu. Kwa huwo kukukabe-kabe bara.

HOSEA 9:5

Welee, ngelo ikavika ya iro ndima ra dini riwikilo remtasa BWANA wibonya wada?

JOELI 2:14

Kewada BWANA Mlungu onyu wadima kughalusa maghesho, umrasimie na kumneka mavalo mengi, mpate kumfunyira viro na divei.

MITALO 28:4

Luma lwa nakesho mchafunya mwana wa ng'ondi umweri, na luma lwa kenyi mfunye umu;

MITALO 28:7

Kizongona charo cha kunywa chichakaia lita imweri ya divei irudie kwa kula mwana wa ng'ondi ngelo ya nakesho aighu ya madhabahu, ni irumba jinukie kwa BWANA.

MITALO 28:14

Vizongona varo va kunywa lita iwi ra divei kwa kula njau, na lita imweri na nusu kwa kula bauru, na lita imweri kwa kula mwana wa ng'ondi. Icho nicho kizongona chekora cha kula mori, mwaka ghose.

EZEKIELI 27:31

waara vongo vawo kwa wundu ghwako, na kurwa nguwo ra magunia kwa wasi; nawo wakulilia kwa luwawo lwa rohonyi, wikiwawa nandighi.

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.