JEREMIA 9:3 - Biblia Ilagho Jiboie Kwa Wandu Wose

³ Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:3 Referans Kwoze

JEREMIA 9:8

Lumi lwawo ni sa iwanu jebwagha, lwatumilwa kudeda makalio; kula mundu uadeda malagho gha sere kwa mmbao, ela ngolonyi kwake uamlaliria.

WAROMA 3:13

Marangi ghawo ni sa kaburi iko iari, watumia chumi rawo kwa kughora tee. Madedo gha memu yawo ni sa wusungu ghwa choka.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.

JUDA 1:3

Wakundwa, ngikaia na bea mbaa emuandikia malagho aighu ya kukia kodu isi diwose, nerewonieghe ni suti niandike, ngimlomba angu mujidederie ijo irumirio werenekeloghe awo waeli indo jimweri tua.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

WAFILIPI 1:28

msewiobuagha watangali wenyu kwa ilagho jingi. Ihi ni alama kwawo iko worinyi iwonyeragha kutota kwawo, ela konyu ni kukia nako kuafuma kwa Mlungu.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

MARKO 8:38

Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”

JEREMIA 22:16

Oretanyireghe kwa hachi maza ra mkiwa na uo usowie, nao ukawona nicha. Uko niko kuwangwagha kummanya BWANA.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

1 WAKORINTHO 15:34

Kuwurienyi; sighenyi kubonya kaung'a. Angu wamu ndewimwichi Mlungu anduangi. Naghora huwu kumfusha waya inyo.

WALAWI 19:11

“Kusakeiwa, hata kusekalie, hata mseghoriane tee.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

JEREMIA 5:5

Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.

DANIELI 11:27

Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

KUZOYA 39:16

Nao ukaiwika ija nguwo hata mumi wake ukacha;

WATANYI 14:17

Nao ukalila imbiri kwake kwa matuku mfungade gha iyo karamu yawo; na kwa ituku ja mfungade ukamghoria, angu orekoghe ukimziziria na ndighi. Niko uo muka ukawighoria wandu wa mzawo iyo ndawi na kutambua kwaro.

MAKATANISHO 12:5

Maghesho gha mundu wa hachi ni gha loli, ela njama ra wawiwi, ni rekalia.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

JEREMIA 6:28

Wose ni wandu wighilikie wileghagha, wandu wighendanyagha na waghori tee, weeka sa shaba na chuma; na wose wadabonya wuwiwi.

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

EZEKIELI 8:13

BWANA ukanizera, “Kuchawona sena maza rimu mbaa ra wuchafu kuchumba iri wawuyaribonya.”

MABONYO GHA WADUMI 24:9

Wayahudi wikawadana wikirumiria kukaia malagho agho ghose ni loli.