JEREMIA 9:2 - Biblia Ilagho Jiboie Kwa Wandu Wose

² Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

JEREMIA 9:2 Referans Kwoze

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

HOSEA 7:4

Wose ni wakalii wisewadie wuloli ghungi. Kuzamilwa kwawo kooka sa modo ghuko irikonyi ghusesindikirwagha ni muochi mikate, hata mufu waghukanda ghwameria kungirwa chachu.

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

MALAKI 2:11

Wandu wa Juda wachikanyire ilaghiro jawo kwa Mlungu, na kubonya ilagho jizamie Jerusalemu na isangenyi kose. Juda wailushire Hekalu ya BWANA uikunde; wandu wake wikalowua waka wa kighenyi witasagha milimu.

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MALAKI 2:14

Mwamkotia kwaki wawuyalegha kughirumiria. Ni kwa kukaia BWANA wawuyamanya angu kwachikanyire malaghiro korebonyereghe na muka kumlowue ngelo ya wudawana ghwako. Orekoghe mngara wako, ela kwachikanyire ilaghiro jako kwake hata ngera kodelaghira imbiri ya Mlungu kukaia kuchakaia mloli kwake.

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.