JEREMIA 8:4 - Biblia Ilagho Jiboie Kwa Wandu Wose

⁴ BWANA ukanizera nighore na wandu wake huwu, “Wandu wikaghwa-lee, ndewiwukagha? Mundu ukawuya nyuma, ndeheagha sena anguwada?

JEREMIA 8:4 Referans Kwoze

MAKATANISHO 24:16

angu mundu wa hachi wadaaghwa mando mfungade na kuwuka sena, ela wawiwi wadatota kwa kupatwa ni ndengwa.

MIKA 7:8

Kusakeboilwa aighu yapo ee m'maiza wapo; iji naghwa nichawuka; iji nakaia kirenyi, BWANA uchakaia mwengere ghwapo.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

AMOSI 5:2

Mwai Israeli wamerie kughwa; usechaadima kuwuka sena! Oosighwa ulale andonyi; kuseko na mndungi omtesia.

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 7:10

Kukukasa kwa wandu wa Israeli kwawuyashudia aighu yawo; aighu ya maza rose riwipatire, ndewighalukie na kuwuya cha kwapo ini BWANA Mlungu wawo.

EZEKIELI 18:23

Kwani naboilwagha ni kifwa cha mndungi mmbiwi? Waghamba Bwana MLUNGU. Kuchumba nandighi nakunde ughaluke na kusigha wuwiwi ghwake, ukaie moyo.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

1 WAZURI 8:38

ilombi ijo jose angu kuvoya kwabonywa ni mndungi angu wandu wose wa Israeli, kula umu ukiwawa ni ngolo kwa loli, na kuwusira mikonu yake nokoighu wikilangaya Hekalu ihi,

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 4:1

BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.