JEREMIA 8:2 - Biblia Ilagho Jiboie Kwa Wandu Wose

² na kuanikwa airuwenyi na morinyi, na majeshi ghose gha mlungunyi, agho wereghikundieghe wikighidumikia; wikighinugha, na kughilola na kughitasa. Ndewichaatumbanywa na kurikwa, ela wichakaia sa wuchafu andoenyi.

JEREMIA 8:2 Referans Kwoze

2 WAZURI 23:5

Ukawiinja waja wakohani wetasa milimu werewikiloghe ni wazuri wa Juda kwa wundu ghofukira marumba andu kotasira milimu mighondinyi, mizinyi ya Juda, na mbai mbai ya Jerusalemu. Na wakohani awo weremfukirieghe Baali marumba, na iruwa, na mori na nyerinyeri mbaa na ndini na majeshi ghose gha mlungunyi ukawiinja.

MABONYO GHA WADUMI 7:42

Ela Mlungu ukaghaluka na kuwisigha witase nyerinyeri ra mlungunyi, sa iji koni iandikilo chuonyi cha walodi: ‘Wele Waisraeli, huwo ni ini morekoghe mkinibwaghia vizongona miaka mirongo ina kireti?

JEREMIA 9:22

BWANA wanizera nighore welee, ‘Gharia ra wandu richakaia andonyi karakara na wuchafu ghudelo ambuwenyi, karakara na viro videmelo ngelo ekuwida; hata ndekuchaakaia na mndungi oshoa anduangi.’”

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

EZEKIELI 8:16

BWANA ukanireda waza ya ndenyi ya Hekalu ya BWANA; ngawona a mnyangonyi ghwa Hekalu ya BWANA, ghadi na ghadi ya lukumbi na madhabahu, wandu mirongo iwi na wasanu walangaya cha mashariki na kuwikia Hekalu ya BWANA mighongo yawo; nawo werekoghe wikitasa iruwa jerekoghe jikibuka noko cha mashariki.

JEREMIA 36:30

Kwa huwo ini BWANA naghamba huwu aighu yako Jehoiakimu mzuri wa Juda, Ndekuchaakaia na kivalwa cheseria kifumbi cha nguma cha Daudi, na gharia yako ichadegwa shighadi a mrukenyi ghwa iruwa ja dime, na mbeo ngelo ya nakio.

JEREMIA 22:19

Ucharikwa karakara na punda, ukikurudulwa na kukumbwa shighadi ya mbenge ra Jerusalemu.”

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

ZABURI 83:10

awo weretotesheroghe aja Endori, wikawuya kitungasi cha ndoe.

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

ZEFANIA 1:17

BWANA waghamba, “Nichareda wasi aighu ya wadamu, wipate kughenda sa wandu wisewonagha. Wanibonyera kaung'a, na idana bagha yawo ichadika sa machi, na mimbi yawo ichawoa andonyi sa mavi.”

MCHILI 6:3

Mundu wadima kukaia moyo matuku mengi na kuva wana ighana; ikakaia usepatire maboilo ghangi iranginyi kwake, na kurikwa nicha, ini niaghamba mwana ufushiro ni baa kuchumba uo.

2 WAZURI 21:5

sena ukaagha madhabahu kwa wundu ghwa nyerinyeri awazenyi iwi ra Hekalu.

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

WUKUMBUSO 17:3

nao ughende uidumikie milungu mizima na kuitasa, angu kutasa iruwa angu mori na nyerinyeri, malagho nighikanie;

ZABURI 53:5

Hawaja, weko na kiture kibaa wisechiwonie jingi. Mlungu uchaghisaghisa maindi gha wamaiza wa wandu wake; wichafushwa waya angu Mlungu uwileghie.

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 31:40

Vololo yose, andu wafu wirikwagha na andu maivu ghidaghwagha, na mbuwa rose riko hata kamoda ka Kidroni, cha mashariki, ichabonywa ikaie ya wueli kwapo; ugho muzi jingi ndeghuchaachikanywa hata kunonwa.”

EZEKIELI 6:5

Nichawika gharia ra wandu wa Israeli imbiri ya milimu yawo, na kusasara maindi ghawo mbai mbai ya madhabahu rawo.

EZEKIELI 29:5

Nani nichakufunya nikukumbe kireti, oho chiaimweri na samaki rose ra meda yako. Kuchaghwa andoenyi hata kusesholo na kurikwa ni mndungi. Nichakufunya kuwuye vindo va nyamandu ra isakenyi, na nyonyi ra mbeonyi.

ZABURI 83:11

Kuwibonye vilongozi vawo sa iji koni korewibonyereghe Orebu na Zeebu; kuwisime wabaa wawo sa iji korewibonyereghe Zeba na Zalimuna;

JEREMIA 9:20

Ngaghora, “Idana inyo waka sikirenyi ilagho ja BWANA, madu ghenyu ghisikire ilagho jifumagha momunyi kwake; mfundishe wai wenyu kulila mfundishane mmbeni na mmbeni seji imfwane mlile.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

JEREMIA 16:6

Wandu wabaa na watini wichafwa chiaimweri andenyi ya isanga iji; ndewichaarikwa angu kulililwa ni mndungi; na mndungi ndechaakudema-dema angu kukuara iridia kuwonyera wasi kwa wundu ghwawo anduangi.

JEREMIA 25:33

“Na awo wichaabwaghwa wudenyi ni BWANA ituku ijo, wichaera kula andu ndoenyi. Ndewichaalililwa, angu kutumbanywa, hata kurikwa; ela wichawuya kitungasi ndoenyi.

EZEKIELI 39:5

Uchabwaghwa a mlambenyi, kwa kukaia ini Bwana MLUNGU najighora ilagho iji.