JEREMIA 7:5 - Biblia Ilagho Jiboie Kwa Wandu Wose

⁵ “Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

JEREMIA 7:5 Referans Kwoze

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 7:3

BWANA wa majeshi uo Mlungu wa Israeli waghamba huwu, Boisenyi chia renyu, nani nichamsigha mkaie aeni aha.

ISAYA 1:19

Mkarumiria na kunisikira, mchaja mecha gha isanga;

EZEKIELI 18:17

Usekunde kubonya kiwiwi, usekopeshagha ukikunda fwaida angu kuwusa machurio, ela wadaritala sharia rapo na kuikatisha memu yapo; ndechaafwa kwa wundu ghwa kaung'a ra ndee, ela kwa loli uchakaia moyo.

EZEKIELI 18:8

Usekopeshagha ukisuwiria fwaida, angu kuwusa machurio ghangi, na kukumazira usebonye mawiwi; ela wadatanya hachi aghadi ya mundu na mmbao.

ISAYA 16:3

“Dineke njama, diwonyere chia ya hachi, dilindie sa kudifinikira kiju ngelo ya iruwa, divise isi wakimbii, kusakedifunya.

WATANYI 21:12

Wikawikwa waka maghana ana aja Jebeshi Gileadi, jingi wisemmanyire mndwawomi ungi; niko wikawireda kambinyi aja Shilo iko isanga ja Kanaani.

WATANYI 5:1

Niko ituku ijo Debora na Baraka mwana wa Abinoamu wikabora:

WALAWI 25:17

Msekitane, ela kumuobuo BWANA Mlungu wako.

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:15

Kuaghesha kooka mzuri angu kusimanagha aighu ya kuagha na midi ya sida? Welee, ndeyo nderejieghe na kunywa, ukabonya agho ghiko gha loli na gha hachi? Aho niko orewonieghe mecha.

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

EZEKIELI 18:5

“Ngera mundu wa hachi, wabonya agho ghiko gha hachi na loli,