JEREMIA 7:11 - Biblia Ilagho Jiboie Kwa Wandu Wose

¹¹ Welee, i nyumba iwangilo kwa irina japo eewuya mbanga ya viting'a konyu? Ola nariwona iri maza ini moni, waghamba BWANA.

JEREMIA 7:11 Referans Kwoze

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

MATHAYO 21:13

Ukawizera, “Yaandikilo, ‘Nyumba yapo ichawangwa nyumba ya malombi.’ Ela inyo mwaibonya mbanga ya viting'a.”

MARKO 11:17

Nao ukawifundisha, “Welee, ndeiandikilo, ‘Nyumba yapo ichawangwa nyumba ya malombi kwa mbari rose’, anguwada? Ela inyo mwaibonya mbanga ya viting'a!”

2 MALAGHO GHA NGELO 6:33

kusikire kufuma mlungunyi andu kukaiagha, kubonye kunughana na agho ghose uo mghenyi wakulomba, eri wandu wose ndoenyi wipate kukumanya na kukuobua sa wandu wako Israeli, na kumanya angu Hekalu ihi niiaghie ni andu kokutasira aho.

JOHANE 2:16

ukawizera awo werekoghe wikiuza maringo, “Rifunyenyi noko iri rose, msakeibonya nyumba ya Aba ikaie nyumba ezoghoria.”

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

JEREMIA 2:34

Nguwo rako reechulwa ni bagha ya wakiwa wiseko na ikosa jingi, hata kusewiwonie wikibara nyumba; ela sena aighu ya agho ghose,

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

EZEKIELI 35:13

Mkakukasa mkideda malagho mengi aighu yapo nani ngasikira.”

ISAYA 1:12

“Iji mwacha imbiri kwapo kunitasa, nani orejilawirieghe ilagho ijo hata muche kuwadia waza rapo?

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.