JEREMIA 6:8 - Biblia Ilagho Jiboie Kwa Wandu Wose

⁸ Malagho agho ndeghikufundishe ee Jerusalemu nisechetana na oho; na kukubonya kuwuye mduu, isanga jisekailwagha ni wandu.”

JEREMIA 6:8 Referans Kwoze

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

EZEKIELI 23:18

Nyuma ya uo kubonya wumalaya ghwake worinyi, ukiwonyera wuduu ghwake, ngazamilwa na kumsigha seji neremsighieghe mruna.

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

ZABURI 50:17

Oho kwadazamilwa ni kufundishwa, na kulegha malagho ghapo.

JEREMIA 31:19

Diendaghaluka na mbai, dawurie dikahea; na diendafundishwa, dikakukaba diweni barenyi; derefueghe waya dikafwa ngolo, kwa kukaia deredukieghe waya ghwa wanake ghodu.’

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

MAKATANISHO 4:13

Kumazirie mafundisho, kuseghilekerie; kughilindie, angu ni irangi jako.

ZABURI 94:12

Warasimilwa uo mundu kumkaniagha kwa kumkaba ee BWANA, uo kumfundishagha Sharia yako.

ZABURI 2:10

Kwa huwo idana ee wazuri, mkaie na hikima; inyo wabonyi nguma wa ndoenyi mkufundishe.

WUKUMBUSO 32:29

Walemwa ni kutambua kwaki wisimilo; ndewidimagha kutambua niki chibonyekie.

WALAWI 26:34

Na isanga jichahora ngelo rose jichaakaia iduu; iyo ngelo inyo mchaakaia isanga ja wamaiza wenyu, niko ijo isanga jichahora na kukaia nicha.

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

MAKATANISHO 19:20

Sikiria njama, kurumirie mafundisho; kutua kuchapata hikima.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’