JEREMIA 6:25 - Biblia Ilagho Jiboie Kwa Wandu Wose

²⁵ Kusefume noko cha mbuwenyi, hata kusakesela a chienyi; kwa kukaia m'maiza wadwae maswagha, nesi dachulwa ni wowa chia rose.”

JEREMIA 6:25 Referans Kwoze

JEREMIA 49:29

Wada hema rawo na mfugho rawo, pazia rawo na vilambo vawo vose; mdo ngamila rawo noko, muwizere wandu,

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

ZABURI 31:13

Nasikira wandu wengi wikihohoriana, ngadadungwa ni vikundi; wabonya mipango chiaimweri elwa nani, wipate kunibwagha.

AYUBU 18:11

Wachulwa ni wowa ii chia na ii chia; wakimbirishwa kula andu.

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

JEREMIA 4:10

Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

JEREMIA 4:5

Ereshenyi malagho andenyi ya Juda na Jerusalemu mkeme, “Kabenyi tarumbeta isangenyi, Kemenyi kwa lwaka mghambe, ‘Kwanyikenyi dighende cha mizinyi ya ngome.’

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

2 MALAGHO GHA NGELO 15:5

Ngelo iro, mndungi nderedimagha kufuma angu kungia kwa sere; angu korekoghe na malagho mabaa ghewitirira wandu wose isangenyi.

JEREMIA 30:5

“Dasikira lwaka lwa wowa na loobosha luseko lwa sere.

JEREMIA 46:5

“Niki nawuyachiwona?” waghamba BWANA, “Wafwa ngolo na kuwuya nyuma. Masikari ghawo ghakabwa ghikakimbia naiseghe; ndewiwuezighana nanyuma, wachulwa ni wowa kwa kula chia.

KILILO CHA JEREMIA 2:22

Kwakaribishire kiture cha kwapo seji kukaribishagha wandu ndimenyi. Ndekuwadie mndungi ufufunukie ituku kujokelo ni machu. Wabwaghie wana wapo aweni niwilelie kwa lukundo.

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

JEREMIA 49:5

Ola nichareda kiture aighu yenyu chichaafuma kwa awo wimmarie chia rose, nenyo mchawingwa; na kula umu onyu uchakimbia kukukira, hata ndekuchaakaia na mndungi owitumbanya wakimbii.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

EZEKIELI 21:17

Hata ini moni wori nichakaba chui rapo na kuhoresha lubio lwapo; ini BWANA najighora ilagho ijo.”