JEREMIA 6:19 - Biblia Ilagho Jiboie Kwa Wandu Wose

¹⁹ Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

JEREMIA 6:19 Referans Kwoze

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

JOHANE 12:48

Uo unileghagha ini, nao ndewadagha malagho ghapo, oko na umu umtanyagha. Ilagho jija nijighorie, nijo jichaakaia mtanyi wake ituku ja kutua mbai.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

HOSEA 10:13

Ela wulalo ghwaro moowa wuwiwi mkaaghukuwida; mooja matunda gha tee renyu. “Moowika irumirio jenyu kwa magare ghenyu na masikari ghenyu.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

JEREMIA 22:29

Ee isanga, isanga, isanga, sikira ilagho ja BWANA!

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

MAKATANISHO 15:26

Maghesho gha mundu mmbiwi ghadamzamia BWANA, ela wadaboilwa ni malagho gha mundu uelie.

1 SAMUELI 15:26

Samueli ukamzera Sauli, “Ndediwuyanyagha kungi, angu kwajilegha ilagho ja BWANA, nao moni wakulegha kusekaie mzuri aighu ya Israeli.”

1 SAMUELI 15:23

Angu kuleghasikira kooka sa kaung'a ya wusawi, na kughilika kooka sa wuwiwi na kaung'a etasa milimu. Kwa kukaia kwalegha kusikira momu ghwa BWANA, nao moni wori wakulegha kusekaie mzuri.”

WUKUMBUSO 32:1

“Degha kudu ee mlungunyi nani nichaghora; na ndoenyi ndeisikirie madedo ghapo.

WUKUMBUSO 30:19

Nawanga mlungunyi na ndoenyi rishuhudie aighu konyu idime kukaia, nameria kuwika imbiri konyu irangi na kifwa, irasimio na njowe; kwa huwo saghuonyi irangi eri inyo na kivalwa chenyu mkaie moyo.

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

JEREMIA 6:18

Kwa huwo sikirenyi inyo mbari; mpate kumanya ee izungu ja wandu, agho ghichaawipata awo wandu wapo.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 49:37

Nichawingira wandu wa Elamu wowa imbiri ya wamaiza wawo, na imbiri ya awo wilolagha kuwibwagha, nichareda mawiwi aighu kwawo kwa machu ghapo ghibirie. Nichawidumia wandu wibwagho wudenyi, hata niwimerie wose.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

JEREMIA 4:16

Ghorienyi iro mbari ra wandu kukaia m'maiza waawuyacha; tangazirenyi Jerusalemu huwu, “Wamaiza wawuyacha kufuma isanga ja kula, nawo wiakema aighu ya mizi ya Juda;

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.