JEREMIA 51:16 - Biblia Ilagho Jiboie Kwa Wandu Wose

¹⁶ Ukadeda, lwaka lwake luaghonesha machi mlungunyi, na kubonya ikungughu jijoke kufuma kutua kwa ndoenyi; wadabonya luhehia luwoneke andenyi ya vua, na kureda mbeo kufuma andu uiwikagha.

JEREMIA 51:16 Referans Kwoze

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

JONA 1:4

Ela BWANA ukawetesha mbeo mbaa baharinyi, kukakaia na kiremba kibaa, hata meli ikadaamba na kuchika.

ZABURI 18:13

Niko BWANA ukadeda sa lukuwa mawingunyi, Uo-Uko-Aighu-Nandighi ukafunya lwaka; kukanya vua ya magho, na luhehia.

JONA 4:8

Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

AMOSI 9:7

BWANA waghamba, “Wandu wa Israeli, naawuyawiririkanya wandu wa Ethiopia seji nimririkanyagha inyo. Nawijosere Wafilisti kufuma Krete, na Wasiria kufuma Kiri seji neremjosereghe kufuma Misri.

EZEKIELI 10:5

Lwaka lwa mawawa gha makerubi loresikiroghe hata waza ya shighadi, sa lwaka lwa Mlungu Uo-Uwadie-Ndighi-Rose ingelo wakadeda.

ZABURI 147:18

Wadafunya momu nao magho ghiasagha; wadawetesha mbeo, nao machi ghiasea.

ZABURI 104:7

Kwendaghidokia machi, ghikakimbia; kwendaghifunyira momu, ghikaida shwa-shwa.

ZABURI 78:26

Oreibonyereghe mbeo ya mashariki ikaweta mawingunyi, ukaiwetesha mbeo ya kusinyi kwa ndighi rake.

ZABURI 68:33

uo ughendagha na mawingu, agho mawingu gha kala; ola wadeda na lwaka lubaa luwadie ndighi.

ZABURI 46:6

Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

AYUBU 40:9

Kwawadie ndighi sa rapo? Kwadima kudeda na lwaka lubaa sa lwapo?

AYUBU 38:22

“Jingi kwavikie nyumba ewika theluji, angu kuwona nyumba ya vua na magho?

AYUBU 37:13

Mlungu wadanyesha vua kuinyoshera ndoe; wadima kuinyesha kwa kukaba wandu, angu kwa kuwonyera lukundo lwake.

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

KUFUMA 10:19

Niko BWANA ukaghalusa uko kuweta kwa mbeo ya mashariki kuweta kufuma magharibi kwa ndighi mbaa, na kuwusira iro zighe; rikadwalwa hata bahari ya Shamu. Ndekoresigharikieghe zighe hata imweri isanga ja Misri.

KUFUMA 10:13

Aho Musa ukaghorua mzata ghwake aighu ya isanga ja Misri. BWANA ukareda kuweta kwa mbeo ya mashariki aighu ya isanga dime dii na kio chee. Hata nakesho, uko kuweta kwa mbeo ya mashariki kukareda zighe.

KUZOYA 8:1

Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua.