JEREMIA 51:11 - Biblia Ilagho Jiboie Kwa Wandu Wose

¹¹ Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:11 Referans Kwoze

JEREMIA 46:4

Alenyi farasi, mrijoke ee wajoki farasi; kupangenyi malalonyi konyu, muro kofia ra chuma. Kalishenyi mafumu ghenyu, muro nguwo ra chuma.

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

JEREMIA 50:9

Zighanenyi, nicharinyavurisha iro mbari nyingi ra wandu wiche kufuma kaskazinyi kulwa na Babuloni, wichakuboisa weni kwa wuda aighu ya Babuloni, na aho wichaghuwada ugho muzi. Mawanu ghawo gheeka sa wandu mang'oni wiko na akili, wisewuyagha mikonu miduu.

JEREMIA 46:9

Funyenyi momu farasi rikimbie, na magare ghizoe kughenda. Masikari ndeghifume shighadi, wandu wa Ethiopia na Libya ndewiwade ngao, na wandu wa Ludi awo wiichi kutumia ndana.’”

ZEKARIA 14:12

BWANA uchareda saka izamie kwa mbari rose ra wandu wichaabonya wuda na Jerusalemu. Mimbi yawo ichawoa wimoo, meso ghawo na chumi rawo richawoa wimoo.

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.

JEREMIA 51:35

Wuwiwi ghubonyero aighu yedu na aighu ya wamzedu, ghulipilo aighu ya Babuloni;” na wandu wa Jerusalemu ndewighambe, “Bagha yedu ndeikaie aighu ya wandu wa isanga ja Babuloni.”

JEREMIA 51:24

BWANA waghamba, “Nichamlipa Babuloni na wandu waro ugho wuwiwi ghose wereghubonyereghe Jerusalemu imbiri ya meso ghako.

JEREMIA 51:12

Josenyi kiweto aighu ya mawurigha gha Babuloni, wikenyi wulindiri ghumange; wikenyi walindiri, boisenyi andu kokuvisa; kwa kukaia ini BWANA namerie kubonya mpango, ngaghukatisha sa iji nereghorieghe aighu ya wandu wikaiagha Babuloni.

JEREMIA 50:25

Ini BWANA narughue nyumba yapo ya maswagha, ngafunya maswagha gha machu ghapo, kwa kukaia ini Bwana MLUNGU wa majeshi neko na kazi ebonya andenyi ya isanga ja Wababuloni.

ISAYA 46:11

Naawuyawanga nyonyi eja nyama kufuma mashariki, uo mundu okatisha makusudi ghapo kufuma isanga ja kula. Namerie kujighora, najo jichakaia; namerie kujipanga, nani nichajikatisha.

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

ISAYA 21:5

Nawona karamu yakaia tayari; meza yaalwa, waja kuja na kunywa. Wukenyi inyo m'bonyagha nguma, m'boise ngao renyu.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 10:26

Na ini BWANA wa majeshi nichawikaba na kiboko chapo sa iji koni nerewikabieghe Wamidiani aja lwalenyi lwa Orebu; nani nichawikaba seji nereiwusirieghe zobo yapo aighu ya bahari na kuwikaba Wamisri.

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

2 MALAGHO GHA NGELO 36:22

Mwaka ghwa imbiri ghwa Kuro mzuri wa Pashia, eri ilagho ja BWANA jipate kukatia kwaro, ijo jereghoreloghe ni Mlodi Jeremia, BWANA ukamngira Kuro mzuri wa Pashia ngolo eeresha malagho andenyi ya wuzuri ghwake ghose na kughiandika wori, ukighamba,

1 MALAGHO GHA NGELO 5:26

Kwa wundu ugho Mlungu wa Israeli ukamkumba ngolo Pulu (nuo moni Tiglathi-pileseri) mzuri wa Ashuru, nao ukawiinja Wareubeni, Wagadi, na nusu ya kichuku cha Manase, ukawighenja Hala, na Habori, na Hera, kaavui na Moda ghwa Gozani, wikaieghe aho matuku ghose.

1 WAZURI 11:23

Sena Mlungu ukawusira Rezini mwana wa Eliada upate kubonya wumaiza na Solomoni; nao orekoghe wakimbia kufuma kwa bwana wake Hadadezeri mzuri wa Soba.

1 WAZURI 11:14

Niko BWANA ukammbusira Hadadi wa nyumba ya kiwuzuri ya Edomu ukaie m'maiza wa Solomoni.

WALAWI 26:25

Nichamredia wuda nipate kulipia kisasi kwa wundu ghochikanya ilaghano; hata mkakukwanya chiaimweri kukulindia andenyi ya mizi yenyu, nichamredia makongo ghiserighitikagha, hata mdime mwakufunya kwa wamaiza wenyu.

JEREMIA 25:25

wazuri wose wa Zimri, wazuri wose wa Elamu, na wazuri wose wa Media;

JEREMIA 46:3

“Boisa kangao na ngao, kughende wudenyi.

JEREMIA 50:3

“Angu mbari imu ya wandu kufuma kaskazinyi yacha aighu ya Babuloni, nayo ichabonya isanga jake jisigho iduu. Wandu na nyamandu richafuma aho, na mndungi ndechaakaia aho anduangi.”

JEREMIA 51:36

Kwa huwo, BWANA waghamba huwu aighu ya wandu wa Jerusalemu, “Olenyi nicharizighana maza renyu, nani nichalipa kisasi kwa wundu ghonyu. Nichaomera ndiwa ra Babuloni na kuomera ndoria raro ra machi.

DANIELI 5:30

Kio icho cheni, Belshazari mzuri wa Babuloni ukabwaghwa,

JOELI 3:9

“Ereshenyi malagho agha kwa mbari zima: ‘Kaienyi tayari kwa wuda wangenyi mang'oni ghenyu; kwanyenyi masikari ghenyu ghose mghende.

JOELI 3:10

Chanenyi maghembe ghenyu ghiwuye chufu, na miundu yenyu iwuye mafumu; hata uo uko mnyonge ndeghambe “Ne ing'oni.”