JEREMIA 5:12 - Biblia Ilagho Jiboie Kwa Wandu Wose

¹² Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

JEREMIA 5:12 Referans Kwoze

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

1 SAMUELI 6:9

Mkaie mkizighanira; jikakaghenjwa cha isanga ja mzawo Beth-shemeshi, dichamanya kukaia ni Mlungu wa Israeli wadibonya iri maza rizamie redinona; na ikakaia jaghenjwa chia zima, wokoni dichamanya kukaia suo ungi wadikaba, ela ni malagho tu ghadichea.”

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.

1 JOHANE 5:10

Uo urumiriagha kwa Mwana wa Mlungu, oko na ugho wushuhuda andenyi kwake; ela uo usemrumiriagha Mlungu, wam'boya uo kukaia mtee; kwa kukaia ndeghurumirie ugho wushuhuda Mlungu oremshuhudieghe Mwana wake.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

EZEKIELI 13:6

Wadedie malagho ghiseko gha loli, na kulaghua malagho gha tee wikighamba, ‘BWANA waghamba,’ sena usewidumie; na ii chia wikisuwiria BWANA uwikatishire wulodi ghwawo.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

JEREMIA 4:10

Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

ZABURI 10:6

Wadaghora ngolonyi kwake, “Sinyavurikagha; sichaakaia na wasi ghungi vivalwa vose.”

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 43:1

Niendameria kuwighoria wandu wose agho malagho ghose BWANA Mlungu wawo orenidumieghe nagho kwawo,

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.