JEREMIA 49:12 - Biblia Ilagho Jiboie Kwa Wandu Wose

¹² “Ikakaia awo wiserekoghe wenywa icho kikombe cha makabo, suti wichinyo, welee, kuchaghenda kusepatire ikabo? Ndekuchaaghenda kusepatire ikabo, ela suti kunyo icho kikombe.

JEREMIA 49:12 Referans Kwoze

OBADIA 1:16

Wandu wapo wanyue kikombe chibirie cha makabo aighu ya mghondi ghwapo ghwa wueli. Ela mbari rose riko mbai-mbai richanywa kikombe chekabwa chibirie kuchumba; wichachinywa chose hata wisie.

JEREMIA 46:27

“Ela msakeobua ee kivalwa cha Jakobo mdumiki wapo, hata msekambo ni chongo ee wandu wa Israeli; angu ola nichamkira kufuma kula, na kivalwa chenyu kufuma wunyikenyi. Wandu wa Israeli wichawuya na kuhora nicha, na mndungi ndechaawiobosha sena anduangi.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 25:15

Nao BWANA, uo Mlungu wa Israeli ukanizera, “Wada ichi kikombe cha divei ya machu ghapo, kuwinyoshe wandu wa iri mbari rose ra wandu nichaakuduma kwawo.

MAKATANISHO 17:5

Mundu umsekagha mkiwa, wadamdukana Muumbi wake; uhu uboilwagha ni mundu wapatwa ni ndengwa, ndechaakaia usepatire ikabo.

MATHAYO 20:22

Ela Jesu ukamtumbulia, “Inyo ndemmanyire ichi mwawuyalomba. Mwadima kunywa kikombe nichaachinywa ini?” Wikatumbulia, “Dadima.”