JEREMIA 47:4 - Biblia Ilagho Jiboie Kwa Wandu Wose

⁴ angu ijo ituku jewitotesha Wafilisti javika, na kuinja masighariko gha wandu werekoghe witesie Tiro na Sidoni. Angu BWANA waawuyawitotesha Wafilisti, agho masighariko gha wandu wikaiagha pwani ya Kaftori.

JEREMIA 47:4 Referans Kwoze

AMOSI 9:7

BWANA waghamba, “Wandu wa Israeli, naawuyawiririkanya wandu wa Ethiopia seji nimririkanyagha inyo. Nawijosere Wafilisti kufuma Krete, na Wasiria kufuma Kiri seji neremjosereghe kufuma Misri.

ISAYA 20:6

Na wandu wikaiagha pwani ya Filistia wichaghora ituku jija, ‘Wonenyi agha ghawipata wandu derewisuwirieghe na awo derekimbirieghe cha kwawo wipate kuditesia na kudikira na mzuri wa Waashuru! Da isi dikia wada?’”

WUKUMBUSO 2:23

Na Waavi werekoghe wikikaia mizi mitini-mitini hata kuvika Gaza; weretotesheroghe ni Wakirete wifumie Krete, na awo Wakirete wikakaia isangenyi weni.)

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

EZEKIELI 21:29

Ngelo wimlaghuyagha na kuwona mawono gha tee kwa wundu ghonyu, wichadumbulwa marangi na ulo lufu, kwa wundu ghwa wuwiwi ghuzamie nandighi. Ituku jawo ja kutua jekabwa jameria kuvika.

EZEKIELI 21:25

Na oho ee m'bonyi nguma wa Israeli, mmbiwi kuseelie, ituku jako, ijo ituku ja kutanywa kwako kwa kutua jamerie kuvika.

EZEKIELI 7:12

Ngelo yavika, ituku jakaia kaavui. Uo ughuagha useboilo, na uo uuzagha usekaie na wasi, angu machu ghapo ghichawichea wose.

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

ZABURI 37:13

Ela BWANA wadawiseka wawiwi, ukimanya kukaia kutua kwawo kwalighisa.

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

EZEKIELI 30:8

Aho wichamanya kukaia Ini ne BWANA ingelo nichaaikora Misri, na wandu wose weremteserieghe.

EZEKIELI 25:16

nanimoni ola nichaghorua mkonu ghwapo nikabe Wafilisti; nani nichawibwagha Wakerethi, na kuwitotesha wandu waro wose wa pwani.

ISAYA 31:8

Ashuru ichanonwa kwa lufu luseko lwa kidamu, ee, uchamerelwa ni lufu luseko lwa kidamu; Waashuru wichakimbia kufuma wudenyi, na wana wawo wichadumikishwa kwa ndighi.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

AYUBU 9:13

“Mlungu ndeghalusagha machu ghake, watesia wa Rahabu weremghoghomieghe.

1 MALAGHO GHA NGELO 1:12

Wapathrusi, Wakasluhi andu Wafilisti werefumieghe, na Wakaftori.

JOSHUA 22:30

Nao iji mkohani Finehasi chiaimweri na vilongozi va wandu, awo wabaa wa vichuku va Israeli weresikireghe malagho gha Wareubeni, Wagadi na nusu ya Manase wikaboilwa.

KUZOYA 10:15

Kanaani orevaeghe mwana wake wa imbiri Sidoni, na Hethi;

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”