JEREMIA 45:5 - Biblia Ilagho Jiboie Kwa Wandu Wose

⁵ Na oho-lee kuakulolia malagho mabaa? Kusakeghilola, angu zighana naawuyareda wuwiwi aighu ya wandu wose, ela nichakulindia irangi jako kusebwagho andu uko kose kuchaakaia kukighenda.” Ini BWANA naghamba.

JEREMIA 45:5 Referans Kwoze

JEREMIA 39:18

Angu kwa loli nichakulindia hata ndekuchaabwaghwa wudenyi, ela irangi jako jichakaia banana, angu korenirumirieghe. Ini BWANA naghamba.’”

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

WAROMA 12:16

Kaienyi na kuchinana mmbeni na mmbeni; msakekukasa, ela muwibonyere nicha awo wiko wanyonge; jingi msebando ni chongo.

JEREMIA 25:26

wazuri wose wa masanga gha kaskazinyi kula na kaavui; na mawuzuri ghose gha wurumwengunyi wiko ndoenyi, wose kwa kunughishirana wikakaia winyo icho kikombe. Na kutua kwa wose, mzuri wa Babuloni uchachinywa.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

JEREMIA 38:2

BWANA waghamba huwu, “Mundu uchaakaia andenyi ya ughu muzi, uchabwaghwa wudenyi, angu kwa njala, angu kwa saka izamie; ela uo uchaafuma na kughenda cha kwa Wababuloni uchakaia moyo; uchafufunuka na kukira irangi jake.

2 WAZURI 5:26

Elisha ukamzera, “Kwani roho yapo ndeighendanyeghe na oho ingelo uja mundu userieghe kufuma igarenyi kwake kukumara? Huwo ni ngelo ewada pesa na nguwo, mbuwa ra mizeituni na mizabibu, ng'ondi na ng'ombe, wadumiki wa womi na wa waka?

KUZOYA 6:12

Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

1 WAZURI 3:11

Niko ukamzera, “Kwa kukaia kwalomba ilagho iji hata ndekulombie wei kuduo luma ndoenyi, angu mali, angu ndighi rebwagha wamaiza wako, ela kwaakulombia kumoni kuneko hikima emanya jiboie na jizamie,

ZABURI 131:1

BWANA sina ngolo ingi ekukasa, hata sizighanagha kwa kukujosa. Sikungiragha nimoni andenyi ya maza mbaa hata maza rikurie risenieliagha.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 25:15

Nao BWANA, uo Mlungu wa Israeli ukanizera, “Wada ichi kikombe cha divei ya machu ghapo, kuwinyoshe wandu wa iri mbari rose ra wandu nichaakuduma kwawo.

JEREMIA 25:16

Wichachinywa na kutatarika, walaghalwa ni akili kwa wundu ghwa wuda nichaaghureda aghadi kwawo.”