JEREMIA 44:7 - Biblia Ilagho Jiboie Kwa Wandu Wose

⁷ “Na idana Ini BWANA wa majeshi, Mlungu wa Israeli nakotia kwaki mkubonyeragha mmbeni wuwiwi ghung'ane huwu ghowimeria womi na waka, wanake na awo wiongagha andenyi ya Juda, hata msowe masighariko ghangi gha wandu?

JEREMIA 44:7 Referans Kwoze

HABAKUKI 2:10

Kwaredie waya kwako na kwa nyumba yako; kwabwaghie wandu wa mbari nyingi, kukajitotesha irangi jako.

JEREMIA 51:22

Nadakutumia kwa kuwitotesha mndwawomi na muka, mghosi na mundu wa irika, mdawana na mwai.

MITALO 16:38

Rereelesheroghe ingelo rereredeloghe madhabahunyi kwa BWANA. Kwa huwo kurishoo iro chuwigha ra awo wandu wafwa kwa wundu ghwa kaung'a rawo, nao kurichane riwuye sahani refinikiragha madhabahu. Na kwa chia iyo, richakaia maonyo kwa wandu wa Israeli.”

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

JEREMIA 44:14

eri mndungi usigharikie wa Juda, awo wichee kukaia isanga ja Misri usefufunuke, angu kukia, angu kuwuya cha isanga ja Juda, ijo wawuyakaia na bea ewuya wiendejikaia; kwa kukaia ndewichaawuya, ela awo wakimbii watini tu niwo wichaawuya.”

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

MAKATANISHO 15:32

Uo usetalagha mafundisho, wadakumenya moni; ela uo usikiragha mawonyero, uchapata kutambukilwa.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”

WATANYI 21:11

Mchabonya huwu, mchatotesha kula mundu wa womi, na kula muka umerie kummanya mndwawomi.”

JOSHUA 6:21

Wikanona vilambo vose va ugho muzi kwa lufu; womi na waka na waghosi, ng'ombe, ng'ondi, na weke punda.

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 42:20

kukaia, mwakulaghashire nenyo mchakubwagha mmbeni. Morenidumieghe kwa BWANA Mlungu onyu, mkighamba, ‘Dilombie kwa BWANA Mlungu odu, na ijo jose kuchaazerwa ni BWANA Mlungu odu, nijo jeni dichaabonya.’

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

MAKATANISHO 8:36

Ela mundu ukanisowa, uakuvavira moni; wose wizamilwagha ni ini, weekunda kufwa.”

MAKATANISHO 1:18

ela awo wandu waawuyakudeghia shaghala weni; shaghala ichaawibwagha weni.

1 SAMUELI 22:19

Ukabwagha wandu wose wa muzi ghwa Nobu kwa lufu, ugho ghorekailwagha ni wakohani; wandu wose wa womi na wa waka, wana watini na awo wiongagha, ng'ombe na weke punda na ng'ondi; vikabwaghwa vose.

JEREMIA 3:24

“Ela kufuma wanake ghodu, ughu wutasi ghwa milimu ghodifusha waya ghwanonie mali rose weke aba werepatireghe kwa wudumiki ghwawo, ng'ondi na ng'ombe rawo, na wana wawo wa womi na wa waka.

KILILO CHA JEREMIA 2:22

Kwakaribishire kiture cha kwapo seji kukaribishagha wandu ndimenyi. Ndekuwadie mndungi ufufunukie ituku kujokelo ni machu. Wabwaghie wana wapo aweni niwilelie kwa lukundo.

JEREMIA 25:6

Msenughe milungu mizima mkiidumikia na kuitasa; mchemvavira BWANA na kuwusira machu ghake kwa iro kazi ra mikonu yenyu. Aho niko nao moni usechaamkaba anduangi.’

JEREMIA 38:17

Nao ngamzera Zedekia kukaia, BWANA, uo Mlungu wa majeshi, Mlungu wa Israeli waghamba huwu, “Kukakufunya kwa wabaa wa mzuri wa Babuloni, kuchakira irangi jako, na ughu muzi ndeguchaakorwa anduangi, na oho na nyumba yako mchakaia banana.

EZEKIELI 9:6

M'bwaghe putu waghosi, wadawana na wai, wana watini na waka; ela mseadade mndungi uko na alama chamunyi kwake; moozoia ahaeni Hekalunyi.” Niko wikazoya na waghosi aweni werekoghe Hekalunyi.