JEREMIA 44:6 - Biblia Ilagho Jiboie Kwa Wandu Wose

⁶ Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

JEREMIA 44:6 Referans Kwoze

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

ISAYA 51:20

Wana wako wasilwa na kudumbuka chienyi, kwa kula mbembe ya chia, wakaia kara kara na ighalu jawadwa nyavunyi; wachulwa ni makabo ga BWANA uko kukania kwa Mlungu wako.

ISAYA 51:17

Wuka! Wuka kukaie kimusi ee Jerusalemu, oho korenyueghe kikombe cha machu gha Mlungu kufuma mkonunyi kwake; kwachinyue hata kukachiangamira na kutatarika.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

EZEKIELI 24:8

Eri nikaie na machu ghelipia kisasi, naisigha iyo bagha idikie maghonyi isevisike.”

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

EZEKIELI 6:12

Uo uko kula, uchafwa kwa saka izamie; na uo uko kaavui, uchabwaghwa wudenyi; na uo usigharikie usebonyero ilagho jingi, uchabwaghwa ni njala. Huwo niko nichaameria lubio lwapo aighu yawo.

EZEKIELI 5:13

“Huwo niko machu ghapo ghichaakatia, na kuwonyera lubio lwapo aighu yawo hata nikato; nawo wichamanya kukaia ini BWANA nadaghora na kukatisha kwa wundu ghwa iriso japo, ingelo nakatisha lubio lwapo aighu yawo.

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 7:17

Ndekuwuewona seji wibonyagha andenyi ya mizi ya Juda, na chienyi ra Jerusalemu?

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

KILILO CHA JEREMIA 1:13

“Oredumieghe modo kufuma koighu, ghukanikora kondenyi. Orenideghieghe shaghala, ikanighusha andonyi; sena ukanilegha na kunisigha na luwawo lusesiagha.

EZEKIELI 20:34

Nichamreda kufuma kwa wandu, na kufuma masanga ghose moresaghisikieghe, kwa kudima kwapo, na kwa ndighi, na kwa machu ghapo;

ZEKARIA 1:2

BWANA Uwadie-Ndighi-Rose ukamzera Zekaria uwighorie wandu, “Ini BWANA nazamilo ni weke ndeyo nandighi,

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”

JEREMIA 8:3

Wandu wose wawiwi wisigharikie wa mbari ihi, wichakaia na bea efwa kuchumba kukaia moyo, andu kose niwiwingie wiendekaia;” waghamba BWANA wa majeshi.

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

KILILO CHA JEREMIA 5:18

kwa wundu ghwa Mghondi ghwa Sioni kusighwa mduu, na mizozo kusela-sela aighu ya kunoneka kwaro.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”