JEREMIA 44:3 - Biblia Ilagho Jiboie Kwa Wandu Wose

³ kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 44:3 Referans Kwoze

WUKUMBUSO 29:26

Wereidumikieghe na kuitasa milungu mizima wisereitasireghe jingi, iyo BWANA orewighirieghe wiseitase.

WUKUMBUSO 32:17

Wereifunyireghe milungu ya tee vizongona, milungu ya kighenyi weke wawae wisereimanyireghe jingi, iyo Israeli wisereisikireghe jingi.

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

KILILO CHA JEREMIA 1:8

Ishima jawo jeesia, weesighwa duu; wikawuya wemenyeka, wasirimika na kuvisa mawushu ghawo kwa waya. Jerusalemu ookulusha moni kwa kaung'a rake.

JEREMIA 22:9

Nawo wichatumbulia, “Ni kwa kukaia wijisighie ilaghano ja BWANA Mlungu wawo, wikaitasa milungu mizima na kuidumikia.”’”

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

WAEBRANIA 3:16

Ni weke ani awo weresikireghe ima wikawuya wikamlegha Mlungu? Wele si waja weni werefumieghe Misri kwa wulongozi ghwa Musa?

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

JEREMIA 32:30

Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

JEREMIA 44:23

Ni kwa wundu ghwa inyo kuifukiria milungu mizima marumba, na kum'bonyera BWANA kaung'a mselusikiragha lwaka lwake kwa kughenda kwa sharia rake, memu yake na mashuhudio ghake, niko ughu wuwiwi ghose ghumerie kumchea sa iji koni mughuwonagha idime.”

WUKUMBUSO 29:25

Na wandu wichatumbulia, ‘Ni angu wandu waro werejisighieghe ilaghano ja BWANA, Mlungu wa weke ndee, ijo orebonyereghe nawo iji orewiredieghe kufuma isanga ja Misri.

JEREMIA 16:10

“Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.