JEREMIA 44:12 - Biblia Ilagho Jiboie Kwa Wandu Wose

¹² Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 44:12 Referans Kwoze

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

JEREMIA 29:22

Na kwa wundu ghwawo, wandu wose wa Juda widwalo wunyika, na awo wiko Babuloni, wichakaia wikitumia malagho agha kwa kuwasira njowe, “BWANA ndekubonye sa Zedekia na Ahabu awo wereocheloghe wimoo ni Nebukadnezari mzuri wa Babuloni;”

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

MITALO 5:27

Ukameria kumnyosha agho machi ghiredagha njowe, ghichamredia luwawo lubaa, iji umerie kukulusha kwa kulala na mndwawomi mzima. Aho mumbi ghwake ghuchavimba, na via vake vichazama; na uo muka uchazama aghadi ya wandu wake.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 42:1

Niko wabaa wose wa majeshi, na Johanani mwana wa Karea, na Azaria mwana wa Hoshaia, na wandu wose kufuma mtini hata m'baa wikasoghoda kaavui

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

JEREMIA 43:11

Uchacha na kujikaba isanga ja Misri, na awo wandu wiwikilo kufwa kwa saka izamie, wichafwa kwa saka izamie; na awo wiwikilo wedwalwa wunyika, wichadwalwa wunyika; na awo wiwikilo webwaghwa wudenyi wichabwaghwa wudenyi.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.